Kơsơ̆ năr 2/6, lơ̆m tơdrong pơgơ̆r Năr lêh Drŏ kăn pơjing tơdrong jang dêh char Đak Lăk sơnăm 2023, Khul drŏ kăn Việt Nam dêh char Đak Lăk pơgơ̆r hop akŏm Trong jang kăl mơdro sa chăl 4.0 vă pơjing đei jơhngơ̆m đon hlôh vao păng trong jang tơgŭm djru drŏ kăn pơjing tơdrong jang, iung jang mơdro sa.

Tơ̆ hop akŏm, dôm bơngai vang năm đei mơ̆ng rim bơngai joăt jang tơroi tơbăt rim tơdrong kăl nhen: Dôm tơdrong kăl găh trong jang kăl mơdro sa hơvơn tơmoi chă răt lơ̆m chăl 4.0; tơdrong jang pơtrŭt mơdro sa tơ̆ Đak Lăk hrei au-Dôm tơdrong rơvơn păng tơdrong long hăm drŏ kăn lơ̆m pơjing tơdrong jang, mơdro sa, atŏk ‘lơ̆ng trong jang, tơplih jang sa iŏk đei-trong jang kơ rim hơnih mơdro sa tơm. Hăm dôm tơdrong kơtơ̆ng ang ‘lơ̆ng hơ iă, hop akŏm hlôi tơgum ăn pơmai oh drŏ kăn băt dơ̆ng trong jang păng trong bơ̆ jang trŏ ƀlep vă pơ̆n pơjing tơdrong jang, mơdro sa; jang kiơ̆ kmăi kmŏk vă atŏk ‘lơ̆ng tơmam drăm, tơ iung pơjing hơnăn, trong kĕ pơjei.