99 kơsô̆ pơkăp tơring pơtăm kơ dêh char Gia Lai mă tơm noh đei axong ăn dôm hơgăt teh pơtăm prit, chăn hroi, hơmrĕ, pơkai, gu ga... Lơ̆m noh, prit đei  26 kơsô̆ pơkăp, hơgăt xă hloh 3000 ha; chăn hroi đei 19 kơsô̆ pơkăp, hơgăt pơtăm jê̆ 600 ha; hơmrĕ đei 20 kơsô̆ pơkăp hăm hơgăt xă jê̆ 300 ha... Atŭm hăm kơsô̆ pơkăp tơring pơtăm, rim anih jang mŭk drăm tơ̆ Gia Lai hlôi chih măt 24 kơsô̆ pơkăp tơ̆ anih 'nŭng 'măn, hăm pơkăp đei pơhlom 700 tâ̆n plei hơdrih lơ̆m 1 năr. Gơnơm vei xơđơ̆ng tơroi tơbăt găh tơring pơtăm păng anih 'nŭng 'măn, tơmam choh pơtăm đei tơ̆ Gia Lai hlôi đei tĕch tơlĕch ăn dôm teh đak nhen Trung Quốc, Úc, Hoa Kỳ, Jơnŭm Châu Âu... Rim apŭng, thĭ xăh, pơlei tơm tơ̆ Gia Lai tŏk bŏk pơtoi pơjing dôm tơring pơtăm tơmam drăm kiơ̆ pơkăp VietGAP, tơgŭm ăn kon pơlei, anih jang mŭk drăm găh choh jang xa chih măt iŏk kơsô̆ pơkăp tơring pơtăm pănga nih 'nŭng 'măn vă hơtŏk tơdrong hiôk tĕch tơlĕch tơmam choh pơtăm đei tơ̆ tơring ăn teh đak đe.