Kiơ̆ kơ ƀok Trần Văn Hùng, kơdră Anih jang vei lăng kon pơlei xăh Ia Băng, pơgê năr 13/3, kon pơlei tơ̆ pơlei O Ngó, xăh Ia Băng ƀôh lơ tơm ka phê kơ kon pơlei ƀơm đe kơnê̆ koh pơrăm. Kiơ̆ jô̆ hơlen, đei hloh 1000 tơm ka phê ƀơm koh prơ̆ng anê̆ tơm, lơ̆m hơgăt xă pơhlom 1 ha. Đei băt, pơgar ka phê kơ lơ unh hnam kon kông tơ̆ tơring atŭm băl chă pơtăm păng vei lăng. Anih jang vei lăng kon pơlei xăh Ia Băng hlôi tơroi hăm kơdră Đảng uy, axong khŭl kŏng ang, kang ƀô̆ atŭm hăm kơdră thôn O Ngó truh hơlen lăng mă hơdăh; atŭm hăm noh tơroi tơdrong đei ƀôh âu ăn kŏng ang apŭng păng dôm anih jang kơpal băt vă hơlen, pơm hơdăh bơngai yơ, xek tơlang trŏ nhen tơchơ̆t đơ̆ng luơ̆t teh đak