Lơ̆m 2 năr ‘năr 3-4/11, tơ̆ pơ lei tơm Buôn Ma Thuột, dêh char Dak Lak, Anih vei lăng ‘long pơ tăm, Anih tơm vei lăng găh choh jang sa hơ tŏk tơ iung tơ ring tơ rang pơ gơ̆r hop akŏm păng pơ hrăm “ Hơ tŏk loi dơ̆ng hơ len lăng tơ drong tĕch mơ dro păng iŏk yua pơ gang hơ drông tơ̆ Tây Nguyên” hăm tơ drong vang akŏm đơ̆ng bơ ngai tang măt kơ dră chĕp kơ̆l păng kang ƀô̆ Anih vei lăng găh choh pơ tăm păng vei lăng ‘long pơ tăm 5 dêh char Tây Nguyên. Kiơ̆ kơ tơ̆ng ang tơ̆ hop akŏm, lơ̆m Tây Nguyên dang ei đei dang 3.400 anih tĕch mơ dro pơ gang hơ drông. Tơ drong jang vei lăng pơ gang hơ drông tơ̆ Tây Nguyên đei hơ len lăng ‘noh jĭ tam mă kơ jăp, tơ drong iung jang tang găn tĕch mơ dro, chơ chuĕn, yua pơ gang hơ drông ôn, ‘ngoăih kơ hơ năn chih tơ̆ dôm tơ ring oei tơ ƀơ̆p lơ mơ mat tat.

 Tơ̆ hop akŏm, dôm bơ ngai tang măt akhan, vă hơ tŏk ‘lơ̆ng đei yua vei lăng pơ gang hơ drông, kăl kơ hơ tŏk loi dơ̆ng tơ drong jang hơ dai đơ̆ng rim anih jang, khŭl linh kơ pal; tŭn pran tơ roi tơ băt, pơ hrăm ăn kơ kon pơ lei lăng băt vă hoei kơ tĕch mơ dro păng yua pơ gang hơ drông kơ̆m, ưh kơ đei hơ năn lơ̆m hơ năn chih păng pơ tho yua sơ đơ̆ng, đei iŏk yua.