Kiơ̆ kơ dôm bơngai tang măt vang hop akŏm, hloh 5 sơnăm (2019 - 2023) ‘Măng pơlong Cheh phe ‘lơ̆ng Việt Nam - VietNam Amazing Cup hlôi pơm đei dôm tơdrong ‘lơ̆ng găh tơdrong arih sa bơngai pơm tơlĕch cheh phe, hơtŏk ‘lơ̆ng tơmam, tơplih ‘lơ̆ng um rup đơ̆ng cheh phe Việt Nam.

Vă hơtŏk tơiung kơjăp, dôm bơngai tang măt apĭnh Anih tơm vei lăng găh choh jang sa păng hơtŏk tơiung tơring tơrang iŏk yua kơ sô̆ chih jô̆, kơtơ̆ng ang đơ̆ng 5 ‘măng pơgơ̆r pơlong Cheh phe ‘lơ̆ng Việt Nam, đơ̆ng noh đei tơdrong hơlen lăng tôm tơdrong găh dôm tơring pơtăm iŏk đei jơnei lơ; đei trong jang tơgŭm lăp găh pơtho pơhrăm, hơtŏk ‘lơ̆ng đon hlôh vao ăn bơngai pơm tơlĕch cheh phe ‘lơ̆ng, pơgơ̆r dơ̆ng lơ tơdrong jang roi tơƀôh  cheh phe ‘lơ̆ng Việt Nam tơ̆ dôm anih tĕch mơdro lơ̆m păng ‘ngoăih Việt Nam; pơjing, vei lăng dôm anih pơtho pơhrăm găh cheh phe tơ̆ dôm tơring pơtăm păng hơnih răt hăm kơjă tŏ sĕt vă pơtrŭt bơngai jang lơ̆m tơdrong kơ jă cheh phe hơtŏk ‘lơ̆ng đon hlôh vao.