Hop akŏm “Băt hơdah tơdrong tơguăt pơm jang, tĕch tơlĕch sâu riêng ăn teh đak đe sơnăm 2023”
Thứ ba, 13:56, 12/09/2023
VOVTayNguyen/Lan tơblơ\
VOVTayNguyen/Lan tơblơ\
VOV4.Bahnar – 'Năr brei (11/9), tơ̆ pơlei tơm Buôn Ma Thuột, dêh char Đăk Lăk, Hla bar tơroi Choh jang xa Việt Nam – anih Juăt pơgơ̆r Hop akŏm tơroh tơmam choh pơtăm đei 970 (Anih tơm Choh jang xa – Hơtŏk tơring tơrang) jang atŭm hăm Anih Choh jang xa – Hơtŏk tơring tơrang Đăk Lăk, Jơnŭm jang Sâu riêng Đăk Lăk, Anih jang Vei lăng 'long pơtăm, Anih jang vei lăng tơdrong 'lơ̆ng, Pơm tơlĕch păng Hơtŏk tơring tĕch răt pơgơ̆r Hop akŏm “Băt hơdah tơdrong tơguăt pơm jang, tĕch tơlĕch sâu riêng ăn teh đak đe sơnăm 2023 păng Trong hơtŏk jang đei jơnei kơjăp gah sâu riêng Việt Nam”.
Pơma ah hop akŏm, Ƀô̆ trương Anih tơm Choh jang xa – Hơtŏk tơring tơrang Lê Minh Hoan ăn tơbăt, đơ̆ng adrol kơ tơchơ̆t gah hơlen pơ-'lơ̆ng sâu riêng đei kĭ pơkăp, pơih trong tĕch ăn teh đak đe, anih tơm hlôi băt hơdah khei năr âu kơ tơdrong jang sâu riêng.
Vă găn hloh, pơđĭ bơngai pơm jang păng anih jang mŭk drăm ưh hơdrô̆ pơyua ăn kơdih po mă oei hơtŏk ăn khei năr anô̆ anăp kơnh hăm tơdrong jang âu. Anih jang vei hơlen kơ teh đak, jơnŭm pơgơ̆r tơring, anih jang mŭk drăm, jơnŭm jang athei vang jang đơ̆ng blŭng atŭm hăm kon pơlei đei tôm kơtơ̆ng ang vă hơmet pơ-'lơ̆ng tơdrong pơm jang.
Viết bình luận