Hăm hơnăn “Mơ̆ng bơngai choh jang sa pơma”, Hop akŏm Bơngai choh jang sa Teh đak ‘măng mă 9 sơnăm 2024 vang pơma dơnuh, tơbăt dih băl, tơlĕch nơ̆r apĭnh mă kon pơlei choh jang sa, hơp tak xah lăng kăl hloh hrei ou nhen:hơmet ming choh jang sa đơ̆ng rŏng kial hơbŭt kơsô̆ 3, mă kăl tơgŭm djru hơdrĕch, dơđăh ‘long pơtăm, yŏng kon tơrong, phŏng mơ̆r, trong jang tơgŭm djru ƀao hiêm choh jang sa; pơđunh ăn hre păng ăn asong tŏk iŏk jên hăm jên cheh tŏ sĕt vă kon pơlei choh jang sa tĕnh koăng hơmet pơ ‘lơ̆ng choh jang sa. Iung pơma tơ̆ hop akŏm, Kơdră chĕp pơgơ̆r Hơnih tơm vei lăntg Choh jang sa păng Atŏk tơ iung tơring tơrang Lê Minh Hoan tơbăt, tơdăh tơƀơ̆p tơnap tap lơ̆m choh jang sa, kon pơlei gơ̆h chih pơtruh nơ̆r apĭnh, athei, tơroi tơbăt ou to ăn kơ ƀok păng ƀok gô pơtruh hloi dôm nơ̆r mă kon pơlei choh jang sa tơroi tơbăt ‘noh ăn Kơdră chĕp pơgơ̆r tơring vă tơtom pơtho tơbăt, hơmet pơ ‘lơ̆ng tơnap tap, tơhlăk tơhlĭn hloi.