Hop akŏm đei vang năm đơ̆ng 150 ‘nu bơngai tang măt ‘noh tang măt ăn rim hơnih bơ̆ jang teh đak, khul jang păng hơnih mơdro sa. Tơ̆ hop akŏm, rim bơngai tang măt hlôi akŏm lơ̆m rim trong tơlĕch jang tơm nhen “Tơ iung pơjing hơnăn”-tơdrong mơmat tat kơ tơdrong jang phe ƀa Việt Nam, tơ iung pơjing hơnăn teh đak ăn phe Việt -“Tơdrong long păng rơvơn”. ‘Ngoăih kơ ‘noh, rim bơngai joăt jang găh choh jang sa, rim hơnih mơdro sa pơm tơlĕch păng tĕch mơdro phe ƀa hlôi tơgoplơ nơ̆r, trong jang vă tơ iung pơjing keh kong hơnăn teh đak phe Việt. Tơdrong tơm kơ Hop akŏm ‘noh pơjing đei ‘măng pơma dơnuh, krao hơvơn vang iung jang kơtang đơ̆ng rim bơngai joăt jang tơm, rim hơnih mơdro sa păng rim kơdră chĕp pơgơ̆r jang ‘lơ̆ng, vă tơlĕch đei dôm trong pơchoh ăn trŏ lăp, tơgop tơ iung pơjing hơnăn phe Việt Nam roi năr roi dơ̆ng kơjăp lơ̆m tĕch mơdro tơ̆ teh đak đe.