Tơ pă yan âu tơ̆ teh đak bơ̆n dang ei tơdrong ưh kơ măh dôm tơring joăt jang ƀa xă; jang hơdai tam mă kơ jăp đơ̆ng bơngai pơ tăm ƀa hăm hơp tak xăh păng anih mơdro sa; dôm trong jang choh pơ tăm oei tam mă kơ jăp. Dôm nơ̆r pơma dơnuh tơ̆ hop akŏm akhan, tơdrong tơmơ̆t yua kơ măy kơ mŏk hrơ̆ch 1 ‘măng, ƀơ̆t lăp 1, 2 tơdrong athei jang kơ dih kăl kơ đei tơmơ̆t yua pơm tơlĕch phe ƀa.

Kăl kơ pơm hơmet ming dơnâu mong đak, hơmet ‘lơ̆ng anih jang kăl đei kơ jă lơ̆m chơ chuĕn, pơm tơlĕch păng tơƀôh tơmam đơ̆ng choh jang sa. Phŏ Kơdră Anih tơm vei lăng găh choh jang sa păng hơtŏk tơiung tơring tơrang Trần Thanh Nam tơbăt, “Tơdrong jang 1 triệu hek tar ƀa joăt pơ tăm ‘lơ̆ng tơklep hăm hơtŏk tơdrong rơgoh” gô pơ truh ăn Khŭl kơdră teh đak tơ̆ hơnăp kơnh đei tơdrong ‘lơ̆ng gĭt kăl lơ̆m tơ plih đon tơchĕng đơ̆ng pơm tơlĕch choh jang sa jing mŭk drăm choh jang sa, hơtŏk ‘lơ̆ng, pơm kơ jă tŏk păng hơtŏk tơiung choh jang sa kơ jăp.