Hăm dôm tơdrong rơvơn găh groi teh, tŏ ‘mi kial, cham char ‘lơ̆ng rŏ, Tây Nguyên hlôi atŏk tơ iung jing tơring choh jang sa pơm tơlĕch đei tơmam drăm lơ hloh kơ teh đak. Chehphe hlôi jing ‘long pơtăm tơm kơ Tây Nguyên hăm vă jê̆ 668.000ha. ‘Nou jei jing tơring pơtăm ksu să hloh dơ̆ng mă 2 đơ̆ng rŏng Đông Nam Bộ hăm hloh 250.000ha. Atŭm hăm ‘noh, tơring Tây Nguyên đei hloh 4 triu tŏ kon tơrong, 30 triu tŏ kon kơlap chă rong ... Hop akŏm hlôi tơlĕch trong jang vă tơlĕch jang kiơ̆ jơnei rim tơdrong đei, tơdrong kĕ jang găh atŏk tơ iung choh jang sa kơ tơring Tây Nguyên. Lơ̆m ou akom lơ̆m rim trong jang vă hơmet pơ ‘lơng tơhlăk tơhlĭn vă atŏk kơtang pơtrŭt tơmơ̆t jên jang lơ̆m choh jang sa, pơ̆ih trong ăn atŏk tơ iung choh jang sa ăn rim dêh char tơring Tây Nguyên lơ̆m khei ‘năr hle, chăl ‘nao.