Kon Tum: Asong hla bar pơkăp yua tơring teh “Ngọc Linh” ăn 12.200 sâm ƀum
Thứ năm, 08:52, 17/08/2023
VOV Tây Nguyên/Lan tơblơ̆
VOV Tây Nguyên/Lan tơblơ̆
VOV4.Bahnar – Pơgê năr 16/8, Anih jang Khua hŏk păng Kŏng ngê̆ dêh char Kon Tum pơgơ̆r pơjao Tơchơ̆t gah tơdrong asong Hla bar pơkăp tơring teh “Ngọc Linh” ăn tơmam drăm sâm ƀum ăn 2 anih pơm jang lơ̆m tơring. 'Nâu jing 'măng mă blŭng dêh char Kon Tum asong hla bar pơkăp âu hăm tơmam drăm sâm ƀum Ngọc Linh.
Kiơ̆ kơ noh, Kŏng ti jang gah sâm Ngọc Linh Kon Tum đei iŏk Hla bar pơkăp tơring teh “Ngọc Linh” ăn 10.000 sâm ƀum kơpal 10 sơnăm. Anih pơtăm sâm Ngọc Linh kơ Kŏng ti âu tơ̆ lô 3, rơvak 2, tơring teh 220 lơ̆m xah Măng Ri apŭng Tu Mơ Rông.
Hăm Kŏng ti jang sâm Ngọc Linh Tu Mơ Rông Kon Tum, Anih jang Khua hŏk păng Kŏng ngê̆ dêh char Kon Tum pơjao Tơchơ̆t gah tơdrong asong Hla bar pơkăp tơring teh “Ngọc Linh” ăn 2.200 tơmam drăm sâm ƀum kơpal 6 sơnăm. Anih pơtăm sâm Ngọc Linh tơ̆ lô 17b, rơvak 5, tơring teh 227 thôn Mo Za xah Ngọc Lây apŭng Tu Mơ Rông.
Viết bình luận