Jĭ tơ ring pơ tăm chĕh phe xă hlŏh kơ dêh char Kon Tum, apŭng Đăk Hà đei hlŏh 15.000 hecta chĕh phe đei plei. Vă phĕ đĭ plei chĕh phe âu, apŭng kăl đei hlŏh 15.000 ‘nu bơ ngai jang. Kŭm hăm trong phĕ răh đơ̆ng tŏk bŏk khei 10 truh hơ tuch khei 12, apŭng oei chă, pơ truh khul bơ ngai ăn dôm tơ ring vă pơm ‘lơ̆ng đei dang 11.000 ‘nu bơ ngai phĕ chĕh phe.

Hăm hlŏh 4.000 ‘nu bơ ngai jang oei ưh kơ măh vă phĕ chĕh phe pơ yan ‘nâu, khul kơ dră pơ gơ̆r apŭng Đăk Hà, dêh char Kon Tum kŭm hăm pơ lung kon pơ lei chă bơ ngai jang ‘ngoăih kơ dêh char ‘nŏh athei kơ chăng pơ ma nuh hăm khul linh, công an vă gơ̆h đei tơ gŭm găh bơ ngai jang vang phĕ chĕh phe ăn kon pơ lei trŏ pơ yan.