Kơplăh dang ei oei tŏk bŏk pơyan phang, Anih vei lăng choh jang xa dêh char Kon Tum hlôi hơmet đang rim trong jang tang găn tŏ phang ăn ‘long pơtăm pơyan Phang 2022-2023. Dêh char Kon Tum hrei ‘nâu đei 178 tŏ dơnâu đak, mong măh mai đak tơruih ăn hlŏh 16.600ha ‘long pơtăm lơ kơloăi. Mă lei, yoa 1,2 dơnâu mong đak kiơ̆ đak ro đơ̆ng găh tu kơna rŏ năng gô đei tơdrong ưh kơmăh đak ƀât hơ tuch pơ yan.

Tơdra adrol, đơ̆ng dang ei truh hơtuch pơyan phang, đei dang 250ha ‘long pơtăm ưh kơmăh đak. Vă găn tôch ai tơdrong ưh kơmăh đak ƀât hơtuch pơyan phang, anih jang kơpal hlôi hơmet lơ trong jang tang găn tŏ phang ăn ‘long pơtăm nhen: kôch hơmet hơbong đak păng pơchoh đak lăp ‘lơ̆ng, hơmet kơmăy ƀôm đak vă ƀôm đak ăn chŭn na, tĕh pơtăm ‘long ƀât hơtuch pơyan phang.