Tơ̆ anih Gru gra hnưr hơrih Teh groi 1049, lơ̆m tơring teh Hơ Moong, apŭng Sa Thầy, Anih jang vei lăng kon pơlei dêh char Kon Tum pơm lêh pơtơm Têt pơtăm 'long ling lang ƀlŏk hơdơ̆r kơ Ƀok Hô păng pơm kiơ̆ năr Cham char apŭng plenh teh năr 5/6 xơnăm 2023. Đơ̆ng rŏng kơ Lêh pơtơm, rim bơngai tang măt akŏm pơtăm 2.500 tơm hơngo 3 hla pơjing cham char vei lăng tăp dăr anih gru gra. Tơdrong jang pơtăm 'long tơgop vei lăng cham char, pơjing um rŭp guăng 'lơ̆ng tơ̆ dôm anih gru gra kơ hnưr hơrih  adoi drơ̆ng minh đei dôm apŭng, plei tơm kơ dêh char Kon Tum tơlĕch jang. Lơ̆m xơnăm âu dêh char Kon Tum tơlĕch tơchơ̆t pơtăm 'nao 4.000ha bri păng 600.000 rơbâu tơm răh rai. Lơ̆m 5 xơnăm kơ jăl Hop akŏm Anih jang Đảng dêh char, Kon Tum hơdrin pơtăm 'nao 15.000 ha bri păng 3 trĭu tơm 'long răh rai.