Hop akŏm sơkơ̆t hơdăh, dôm sơnăm tơjê̆ pu, tơdrong iŏk yua pơgang vei lăng ‘long pơtăm, pơgang sơdrông, pơgang pơlôch ‘ngiĕt lơ̆m jang chehphe roi năr roi lơ, pơm kơnê̆ ‘mê̆ ‘mach truh găh đak, jơhngơ̆m jăn kon pơlei pơla. Kiơ̆ chih jô̆ đơ̆ng Hơnih vei lăng ‘Long pơtăm, pơgang sơdrông chă pruih tơ̆ chehphe jô̆ hơtŏ 5 kơlich lơ̆m 1ha păng 60% kon pơlei iŏk yua lơ dêh hnang pơgang pơlôch sơdrông. Hơdrô̆ sơnăm 2023, tơchĕng lăng kơdŭng, get chai pơgang vei lăng ‘long pơtăm lơ̆m jang chehphe ‘noh 2.150 tấn. Hop akom ‘măn lơ jơ pơma dơnuh, tơlĕch nơ̆r athei păng sơkơ̆t hơdăh hyum akŏm rơ̆m rĕk păng hơmet pơ ‘lơ̆ng rơ̆m rĕk lơm jang chehphe ưh khan lăp hơnăp jang kơ kon pơlei mă lei jing hơnăp jang kơ pơđĭ kon pơlei pơla, lơ̆m ou đei hơnăp jang kăl hloh đơ̆ng Hơnih mơdro sa, kơ khul hơnih mơdro sa unh hnam pơm tơm păng rim hơnih jang teh đak đei ƀơm truh.