‘Nou kơtơ̆ng ang đei Hơnih vei lăng kon pơlei apŭng pơma tơbăt tơ̆ Hop akŏm pơtôch jang, tĕch mơdro sâu riêng sơnăm 2024 păng tơlĕch jang sơnăm 2025”. Hăm kơjă chă răt iŏk đơ̆ng 60 truh 70.000hlak jên lơ̆m 1 kĭ, kơjă sâu riêng Krông pach lơ̆m sơnăm 2025 gô iŏk đei đơ̆ng 6.400 - 7.500 ti hlak jên, tơpă jing tơmam drăm tơm kơ tơring.

Tơmơ̆t tơmam drăm ou atŏk tơ-iung ‘lơ̆ng, apŭng Krông Pach (Dak lăk) lăng kơjăp jang kiơ̆ rim pơkăp ‘lơ̆ng, tơgoăt jang hơdoi kơjăp; tơƀôh hơdăh trong jang sa vă pơjing đei jơhngơ̆m lui yom, sơđơ̆ng ăn bơngai răt sa; pơjing hla kak choh jang sa vă pơprŏ trŏ lăp tơring pơtăm sâu riêng.