‘Nŏu jĭ roi tơbăt tơ̆ ‘măng hop akŏm rim khei đơ̆ng Anih vei lăng kon pơlei dêh char Đắk Lắk pơgơ̆r pơgê 16 khei 7. Mă đơ̆ng iŏk đei dôm jơnei ‘lơ̆ng ră, mă lei mŭk drăm tŏk kơ Đắk Lắk lơ̆m 6 khei blŭng sơnăm tam mă iŏk đei trong jang tơlĕch ăn, thu jên iŏk yua teh đei tŏ sĕt, ƀơm ưh kơ ‘lơ̆ng truh tơdrong tơlĕch jang kiơ̆ dôm tơdrong jang tơmơ̆t jên jang teh đak hăm jên jang dêh char.
Tơdrong jang pơm tơlĕch tĕch mơdro đơ̆ng anih mơdro sa oei đei tơƀơ̆p lơ mơmat tat, kơsô̆ anih mơdro sa ưh pă đei jang păng pơdơh kơ jang tŏk lơ pơting hăm khei ‘nâu kơ sơnăm 2023. Ƀok Nguyễn Tuấn Hà, Phŏ kơdră chĕp kơ̆l Anih vei lăng kon pơlei dêh char Đắk Lắk akhan, lơ̆m 6 khei hơtuch sơnăm, dêh char băt hơdăh gô athei tơjră hăm lơ mơmat tat mưh tơpôl mơdro sa tơiung ming hiơ̆; sar bar, jĭ hơbuh đei ƀôh ưh kơ ê athei rim kơdră rim anih jang athei hơdrin jang kiơ̆ mă iŏk đei dôm tơdrong hơgăt mŭk drăm tơpôl kơ pơđĭ sơnăm 2024.
Viết bình luận