Vă hơtŏk kơjă ƀum, hơƀo, khei ‘năr âu ki, Grŭp jang De Heus (Hà Lan) chă dăr lăng tơring pơtăm tơmam tơ̆ 3 dêh char lơ̆m tơring Tây Nguyên đei: Dak Lak, Gia Lai, Kon Tum. Kiơ̆ đơ̆ng dăr lăng ăn ƀôh, ƀum, hơƀo oei đei tơdrong ‘lơ̆ng vă pơm hơtŏk kơjă tĕch mưh mât jang lơ̆m Trong jang hơdoi pơm tơlĕch tơmam xa ăn kon tơrong, tơjur ƀiơ̆ tơmam răt iŏk đơ̆ng tĕh đak đe. Ƀok Nguyễn Như Cường, Kơdră Anih vei lăng rei pơtăm akhan: Tây nguyên jĭ tơring tôch ‘lơ̆ng vă pơtăm 1,2 kơ loăi ‘long pơm tơmam xa hơdrih, nhen ƀum, hơƀo.

Vă pơjei hăm dôm kơloăi ‘long pơtăm nai, tơring âu athei pơm thoi yơ vă hơtŏk đei tơdrong đei yoa găh mŭk drăm. ‘Mĕh pơjing đei tơring pơtăm tơmam tih, pơm lăp hăm tơdrong ‘mĕh vă jang kơmăy kơmŏk athei pơjing trong jang hơdoi đơ̆ng kon pơlei jang chŭn mir, HTX kiơ̆ đơ̆ng nŏh jang hơdoi hăm anih jang pơm tơlĕch, tĕch mơdro tơmam.