Đơ̆ng blŭng sơnăm truh dang ei, jên tĕch tơmam đơ̆ng choh jang sa, ‘long  tơ̆r, ka hơdang tơ̆ teh đak đe kơ Việt Nam iŏk đei hloh 49 ti đô la Mi, tŏk 11,8% pơtêng hăm khei ‘nâu sơnăm sơ̆. Truh dang ei, hlôi đei 8 tơmam, grŭp tơmam đei kơjă tĕch tơ̆ teh đak đe hloh 2 ti đô la Mi ‘noh: cheh phe, kơsu, ‘nhot plei, điêu, hơdang, ka tra, tơmam tơ̆r, ‘long.

Tơ̆ jơ pơma đam, dôm bơngai tang măt akhan, tơdrong pơih anih tĕch mơdro đĭ mơ mat mă vei đei anih tĕch mơdro păng hơtŏk tơiung oei mơmat hloh dơ̆ng. Yua thoi noh, rim ‘nu kon pơlei jang chŭn mir, anih jang mơdro sa athei hơdrin tơplih đon tơchĕng pơm tơlĕch, pơm lăp dôm tơdrong ‘meh vă, pơkăp ‘lơ̆ng đơ̆ng rim anih tĕch mơdro.