Kiơ̆ đơ̆ng Dơnŏ anĭh tơm vei lăng Chŏh jang sa păng Atŏk tơ iung tơring tơrang athei Dơnŏ anĭh vei lăng kon pơlei rim dêh char, pơlei tơm găh Trung ương atŏk kơtang pơrô̆ pơrôp, pơtho tơbăt, atŏk jơhngơ̆m đon hlôh vao găh hơnăp jang, tơdrong pơm ‘lơ̆ng, tơdrong kăl kơ tơdrong pơtăm ‘long, pơtăm bri, jang kiơ̆ rim tơdrong tơchơ̆t kơ khôi luơ̆t găh bri ‘long, tơgop vei lăng cham char ‘lơ̆ng rŏ, pơm dă ƀiơ̆ tŏ ‘mi kial pơrăm, erĭh sa trŏ lăp hăm tơplĭh tŏ ‘mi kial.

Rim dêh char, pơlei tơm pơgơ̆r tơlĕch jang hrơ̆p mĭnh ‘măng, jơnei rim trong bơ̆ jang găh bri ‘long; trong jang păng trong vă jang kiơ̆ Tơdrong kăl atŏk tơ iung bri ‘long Việt Nam jăl jang 2021 - 2030, lăng trŭh sơnăm 2050. Lăp đơ̆ng rŏng jang kiơ̆ “Têt pơtăm ‘long”, rim tơring pơgơ̆r hloi năm dăr lăng, lăng hơlen, pôk bơnê tơtom dôm hơnĭh, rim bơngai jang hơ iă, jang ‘lơ̆ng.