Tơdrong akŏm bơngai jang mir pơlong rơgei xơnăm 2023 hăm tơdrong vang akŏm đơ̆ng 6 khul tang măt ăn 6 dêh char noh: Sơn La, Kon Tum, Gia Lai, Đăk Lăk, Đăk Nông păng Lâm Đồng. Rim bơngai pơlong đei rơih đơ̆ng tơring vă akŏm rơih đei lơ khul jang pơtăm ka phê rơgei hloh, akŏm lơ̆m kơmăng chŭng kêt. Hăm hơnăn "Pơtăm ka phê rơgei pơtrŏ hăm hơyuh tô̆ 'mi tơplih”, rim bơngai pơlong athei pơlong 4 tơdrong: Bơngai jang mir gơh rơgei, bơngai jang mir tơguăt tơguăl, bơngai jang mir hơbĕch hơbal, bơngai jang mir kloh klĕch. Kiơ̆ đơ̆ng dôm tơdrong pơlong, rim bơngai pơlong hlôi tơbang tơdrong hlôh vao, tơdrong juăt jang păng băt iŏk yua trong jang rơgei khua hŏk kih thuơ̆t lơ̆m pơm jang ka phê pơtrŏ hăm hơyuh tô̆ 'mi tơplih păng dôm tơdrong đei tơrĕk truh pơm tơlĕch tĕch lơ̆m tơring, tơguăt pơm jang, pơm jang đei tơchơ̆t, pơjing păng hơtŏk tơdrong jang hadoi lơ̆m tơdrong jang ka phê Việt Nam.