Kiơ̆ đơ̆ng Hơnĭh bơ̆ jang Jang hơdoi atŏk tơ iung chŏh jang sa kơ jăp tơ̆ Việt Nam, hơnĭh jang ‘nhot sa plei ‘long hlôi iŏk đei jơnei hơ iă tơgop lơ̆m atŏk ‘lơ̆ng kơ hơnĭh jang chŏh jang sa lơ̆m dôm sơnăm au ki.

Tơdăh sơnăm 2017, tĕch mơdro tơ̆ tĕh đak đe găh ‘nhot sa plei ‘long kơ Việt Nam iŏk đei 3 ti 600 trĭu dolar Mi, tơmơ̆t hlŏh 10% kơjă tĕch mơdro tơ̆ teh đak đe tơmam drăm chŏh jang sa, ‘long, ka hơdang, lăp jô̆ hơdrô̆ 11 khei sơnăm au, kơ jă tĕch mơdro ‘nhot plei ‘long tơ̆ tĕh đak đe iŏk đei 3 ti 100 triu dolar Mi, tŏk 30% pơtêng hăm sơnăm sơ̆. Truh dang ei, ‘nhot plei ‘long kơ Việt Nam hlôi tĕch mơdro tơ̆ 10 teh đak tĭh lơ̆m plei teh, lơ̆m au đei Trung Quốc, Mi, Hàn Quốc păng Nhật Bản. Rim nơ̆r pơma tơ̆ hop akŏm vang pơma dơnuh găh dôm tơdrong tơnap tap lơ̆m chŏh jang sa, pơm tơlĕch, hơnĭh tĕch răt adoi nhen pơchŏh trong păng trong jang lơ̆m atŏk tơ iung hơnĭh jang ‘nhot sa plei ‘long Việt Nam jăl jang 2022 - 2025 vă tơgop đei lơ̆m Trong jang kăl atŏk tơ iung chŏh jang sa păng tơring chŏh jang sa kơ jăp ‘lơ̆ng jăl jang 2021 - 2030, lăng trŭh sơnăm 2050 hlôi đei Thủ tướng Teh đa kĭ pơkăp.