Tơdrong jang mă 5 đơ̆ng tơdrong jang Tơmơ̆t jên jang pơm anih jang kăl tơgŭm hơp tak xăh hơtŏk tơiung tơring tơmam cheh phe ‘lơ̆ng tơ̆ tơring Tây Nguyên ‘noh; Ming man trong nơnăm tơring tơrang tơƀưh hăm tơring tơmam tơ̆ Gia Lai, Dak Lak;  Ming man ‘nao 3 hơnih tăh mong cheh phe ăn 3 hơp tak xăh lơ̆m dêh char Dak Lak, akŏp hơgăt teh să hloh 1000m2. Ming man ‘nao 2 tŏ hnam mong răk hơdai hăm  hnam pơdă tơƀôh tơmam cheh phe ăn hơp tak xăh tơ̆ dêh char Gia Lai – Dak Lak hăm să 158 m2 1 hnam.

Akŏp jên tơmơ̆t jang tơdrong jang mă 5 dang 80 ti hlak jên. Tơdrong tơm tơmơ̆t jên jang vă pơjing tơring pơm tơlĕch tơmam cheh phe akŏm, ‘nao, vă pơtrŭt hrĕnh, đei yua păng kơjăp kơplăh hơmet ming dơ̆ng tơdrong jang choh jang sa, pơjing tơring tơrang ‘nao kơ dêh char Gia Lai, Dak Lak; hơtŏk tơiung păng hơtŏk ‘lơ̆ng hơnăp jang, đei yua tơdrong jang đơ̆ng hơp tak xăh choh jang sa lơ̆m trong jang hơdai kơjă cheh phe pơyua ăn pơm tơlĕch păng tĕch tơ̆ teh đak đe; hơtŏk iŏk yua tơgop tơplih ‘lơ̆ng tơdrong hơrih đơ̆ng kon pơlei tơring.