"Tơplih kơsô̆ lơ̆m choh jang sa tŏk bŏk tơplih hơnơ̆ng lơ̆m rim Tơdrong vă jang tơplih kơsô̆ đơ̆ng păh Hơnih tơm vei lăng Choh jang sa păng Atŏk tơ iung tơring tơrang păng rim tơring"  ‘nŏh nơ̆r tơbăt hơdăh tơ̆ ‘măng hop akom Hơnih chĕp pơgơ̆r tơplih kơsô̆ lơ̆m choh jang sa pơgơ̆r pơgê năr 20/2 tơ̆ Hà Nội. Tơdrong au kơ yuơ Hơnih tơm vei lăng Choh jang sa păng Atŏk tơ iung tơring tơrang pơgơ̆r.  

Truh dang ei, Hơnih tơm vei lăng Choh jang sa păng Atŏk tơ iung tơring tơrang hlôi pơjing keh đang kmăi kmŏk vei lăng tơmam drăm hiĕm kon tơrong păng hơnih rong kon tơrong; hơnih vei lăng năng tông mã kơsô̆ tơring pơtăm păng hơmet ăn pơm lêh tơlĕch jang tơchă băt hơnih pơjing tơmam drăm lơ̆m vă đĭ sơnăm au. Sơkơ̆t hơdăh, tơplih kơsô̆ lơ̆m tơdrong choh jang sa mĭnh lơ̆m dôm tơdrong kăl kơ tơdrong jang tơplih kơsô̆ teh đak păng trong atŏk tơ iung kơ hơnih oei kơtang, Kơdră chĕp pơgơ̆r Hơnih tơm vei lăng Choh jang sa păng Atŏk tơ iung tơring tơrang Lê Minh Hoan athei rim kơdră lơ̆m Hơnih chĕp pơgơ̆r păng kang ƀô̆ bơ̆ jang găh au băt hlôh ƀôh hơdăh, hơmet tôm tơdrong hlôh vao, băt hơdăh tôm tơdrong pơprŏ jang păngtôm tơdrong vă jang keh đang tơdrong jang đei pơjao.