Tơ̆ pơma đam, rim bơngai tang măt đei dôm bơngai juăt jang, bơngai jang khua hŏk tơroi gah dôm tơdrong đei: Hơtŏk hlôh vao kiơ̆ trong jang ‘nao, tơdrong kăp gĭt lơ̆m tơplih kơsô̆ ăn anih jang mŭk drăm choh jang xa tĕch tơlĕch tơmam choh pơtăm; Tơdrong chă tĕch tơmam choh pơtăm, trong jang hơmet tơhlăk tơhlĭn lơ̆m tơplih kơsô̆ lơ̆m jang Choh pơtăm dêh char Gia Lai; Pơjing trong hơtŏk tĕch răt offline păng online hơtŏk pran tĕch dôm tơmam drăm OCOP păng tơmam drăm ‘lơ̆ng kơ dôm dêh char Tây Nguyên; Hơlen băt ư̆ng yŭng kŏng ngê̆ tơgŭm tơguăt jang 5 dêh char Tây Nguyên chă tĕch tơlĕch tơmam choh pơtăm lơ̆m teh đak păng tĕch ăn teh đak đe.

Tiến sĩ Phùng Thị Kim Huệ - Kơdră Jơnŭm pơgơ̆r jang jên hu kơ Anih Hơlen jơhngơ̆m jăn păng Hơtŏk pơtho pơhrăm Tây Nguyên akhan, iŏk yua tơplih kơsô̆ lơ̆m choh jang xa jing trong jang dơnơm. Ƀơ̆t doh tơdrong tĕch răt tơmam choh pơtăm kơ dôm dêh char Tây Nguyên gô đei sek tơlang ƀônh ƀŏ hloh.