Tơ̆ Hop akŏm, rim bơngai tang măt akhan, atŏk tơ iung khoa hŏk kmăi kmŏk păng tơplih ‘nao tơchăr hơnih jang choh jang sa kăl tơplih ‘nao jơhngơm đon tơchĕng đơ̆ng tơdrong iĕ hloh. Atŏk tơgop tih tên đơ̆ng khoa hŏk, kmăi kmŏk păng tơplih ‘nao tơchăr lơm atŏk muk drăm choh jang sa ‘moi kiơ̆ rim tơdrong bơ̆ jang chă tơchĕng, pơtho tơbăt păng jang kiơ̆. Hơnih tơm tơlĕch truh sơnăm 2030, atŏk lơ̆m hơnih choh jang sa truh 50%.

Kiơ̆ đơ̆ng Kơ iĕng Kơdră chĕp pơgơ̆r Dơnŏ anih tơm vei lăng Choh jang sa păng Atŏk tơ iung tơring tơrang Phùng Đức Tiến, Khoa hŏk kmăi kmŏk đei hơnăp jang tôch kơ kăl lơ̆m atŏk kơ hơnih jang choh jang sa păng tĕch mơdro iŏk đei tơ̆ teh đak đe găh ka hơdang lơ̆m khei năr au ki. Tơlĕch jang kơtang rim trong jang kăl, rim hơnih jang găh rim Viện, hnam trương kăl ƀôh hơdăh păng tơlĕch jang kiơ̆ hloi lơ̆m tơdrong jang mă hơnih vei lăng.