'Nâu jĭ hơlen lăng đơ̆ng bơngai tang măt Khŭl Jơnŭm Châu Âu tơ̆ Việt Nam lơ̆m hop akŏm “Tơroi băl ki thuơ̆t găh Tơdrong hơgăt tang găn phă bri păng dôm tơdrong jang hơdai tĕch mơdro ưh kơ phă bri, tơ jur bri tơ̆ Việt Nam” pơgơ̆r ‘năr 12-7, tơ̆ Đắk Lắk. Hop akŏm yua đơ̆ng Anih tơm vei lăng găh choh jang sa păng hơtŏk tơiung tơring tơrang jang hơdai hăm Khŭl tang măt Jơnŭm Châu Âu tơ̆ Việt Nam pơgơ̆r.

‘Nâu jĭ 1 lơ̆m dôm tơdrong jang tơƀôh hơdăh tơdrong hơdrin đơ̆ng Việt Nam lơ̆m trong jang yak truh pơm tơlĕch, răt yua rơgoh kơjăp. Tơ̆ hop akŏm, bơngai tang măt Khŭl tang măt Jơnŭm Châu Âu tơ̆ Việt Nam, dôm anih jang Hơdai apŭng plĕnh teh, dôm anih jang găh anih tơm, anih jang trung ương, kơdră chĕp kơ̆l 5 dêh char Tây Nguyên (Đắk Lắk, Lâm Đồng, Gia Lai, Đắk Nông, Kon Tum) kŭm hăm bơngai tang măt dôm khŭl jang tơmam, dôm anih mơdro sa cheh phe, kơ su, ‘long păng tơmam đơ̆ng ‘long hlôi pơma dơnuh tơroi găh tơdrong jang kiơ̆, dôm trong jang păng tơmam tơgŭm jang kiơ̆ tơdrong hơgăt tang găn phă bri păng dôm tơdrong jang hơdai tĕch mơdro ưh kơ pơm phă bri, tơ jur bri tơ̆ Việt Nam.