VOV4.Bahnar - Bơ ngai rong nhu\ng tơ\ dêh char Dak Lak oei tôch mơ mat mă đơ\ng j^ klak nhu\ng Châu Phi tam mă đei tơ\ âu ră. Kơ jă nhu\ng jur tôch dêh bơih mă lei tơ drong mơ mat tam mă dơ\ng ‘mơ\i yoa bơ ngai răt yoa oei ơm, hli hlo\h tơ drong, pơm ăn tơ drong te\ch mơ dro ‘nhe\m nhu\ng tôch mơ mat.

Pha hăm te\ch kơ dro pơ sưt pơ sat nhen vă je# 1 khei adrol ki, dôm năr âu, an^h te\ch ‘nhe\m nhu\ng kơ ‘nho\ng Nguyễn Văn Huy tơ\ kơ chơ Tân An, phường Tân An, pơ lei tơm Buôn Ma Thuột hơ nơ\ng te\ch ưh kơ hlot. ‘Nho\ng Huy ăn tơ băt, io\k đơ\ng j^ klak nhu\ng Châu Phi đei tơ\ Việt Nam, lơ bơ ngai tơ\ pơ lei tơm Buôn Ma thuột vih ro\ng hăm ‘nhe\m nhu\ng. Adrol ki, 1 năr đei kơ hre\ng ‘nu bơ ngai truh răt, te\ch hlot đơ\ng 2 – 2, 5 tă ‘nhe\m nhu\ng, mă lei dang ei lăp te\ch đei dang 80k^ đe\ch.

"Đơ\ng đei nơ\r tơ roi găh j^ klak nhu\ng Châu Phi ‘no\h te\ch ưh kơ hlot kiơ. Adrol kơ têt tam mă đei j^ ‘no\h 90 rơ bâu 1 k^, mă lei dang ei jur pă đơ\ng 70-75 rơ bâu 1 k^ mă lei hui bơ ngai răt đe\ch. Adrol ki hơ met tơ mam te\ch đơ\ng hrôih kle\p truh 10 jơ ‘năr dơ\ng ‘no\h đ^ bơih, oei dang ei ‘no\h te\ch truh 6-7 jơ kơ măng, mă lei tam mă đ^ ‘mơ\i".

Mă kơ jă lăp đơ\ng 70-75 rơ bâu m^nh k^ mă lei bơ ngai răt ‘nhe\m nhu\ng tơ\ Dak Lak oei jur dêh đe\ch

Nhen thoi no\h mơ\n, yă Hoàng Thị Chi, bơ ngai pơ dro ‘nhe\m nhu\ng tơ\ kơ chơ tơm Buôn Ma Thuột tơ roi, mă đơ\ng ‘nhe\m nhu\ng yă te\ch io\k đơ\ng an^h rong rơ go\h, đei ‘long yâu hơ len j^ đơ\ng An^h vei lăng rơ go\h ‘lơ\ng tơ mam xa Dak Lak ră, mă lei đe oei ưh gan ‘me\h răt ‘năi:

"Tih gia, tơ dăh nhu\ng yơ đei j^ ‘no\h đe pơ gơ\r so\h hu\t bơih, nhu\ng yơ ưh đei j^ ‘no\h đe ăn ket [uh vă te\ch mơ dro. ‘Nhe\m đơ\ng an^h ket [uh ‘no\h rơ go\h ‘lơ\ng, đei hơ len j^ ngăl bơih, kơ na bơ ngai răt le# kơ hli. Tơ dăh bơ ngai răt vih ro\ng ‘no\h mơ nat kơ bơ ngai pơ dro nhôn dêh, jo# hloi bơ ngai rong nhu\ng hai.”

Tam đei [ôh j^ klak nhu\ng Châu Phi ki mă lei kon pơ lei Dak Lak tơ tă oei pơm mơ mat ăn bơ ngai rong nhu\ng

Kiơ\ tơ drong tơ roi ‘nao hlo\h đơ\ng An^h jang thu\ Y Dak Lak, tơ\ dêh char tam đei 1 pôm nhu\ng yơ đei j^ klak nhu\ng Châu Phi. J^ ‘nâu đei tơ\ lơ dêh char, pơ lei tơm lơ\m te\h đak, mă loi j^ tơ\ dôm dêh char găh Tu, mưh đei j^ nhu\ng lôch hloi mă lei ưh đei tơ po\h tơ\ bơ ngai. Yoa thoi no\h bơ ngai răt xa athei tơ che\ng ming dơ\ng, le# vih ro\ng hăm ‘nhe\m nhu\ng, pơm mơ mat tat ăn bơ ngai rong.

{ok Thủy Lệ Vũ, Kơ dră che\p kơ\l an^h rong kon tơ rong păng jang thu\ y dêh char Dak Lak kơ plăh dang ei, ăn tơ băt, dêh char tơ le\ch lơ trong tang găn j^ klak nhu\ng Châu Phi tơ po\h mât tơ\ tơ ring.

"Dang ei tam đei tơ drong kiơ ăn [ôh j^ klak nhu\ng Châu Phi đei tơ\ dêh char Dak Lak, mă lei an^h jang thu\ y oei jang hơ doi hăm dôm an^h jang kơ pal vă hơ to\k đon kơ chăng tang găn j^ klak nhu\ng Châu Phi. Nhôn tơ tă ăn bơ ngai rong mưh rong athei rơih răt yo\ng đơ\ng an^h ưh đei j^, đei đe lui, ưh đei răt yo\ng đe te\ch rok trong, tơ\ ‘ngoăih. ‘Ngoăih kơ ‘no\h, đơ\ng ro\ng kơ răt vă rong athei [et tôm kơloăi vác-xin tang găn j^ ăn nhu\ng kiơ\ nơ\r hơ găt đơ\ng An^h tơm vei lăng choh jang xa păng ato\k tơ iung tơ ring tơ rang; pruih pơ gang pơ lôch pơ rang j^ kiơ\ khei, hơ met rơ go\h hơ drong nhu\ng vă huei đei j^."

Yoa đon hli pơ ngơ\t, bơ ngai răt xa tơ\ Dak Lak oei ơm răt io\k ‘nhe\m nhu\ng

Dak Lak hrei ‘nâu đei dang 750 rơ bâu to\ nhu\ng. Tơ\ dêh char ku\m đei hlo\h 30 an^h ket [uh nhu\ng ako\m, 1 năr tơ le\ch te\ch tơ\ dôm apu\ng, th^ xăh, pơ lei tơm kơ dêh char dang 1 rơ bâu to\ nhu\ng, dang đơ\ng 60 - 70 tân ‘nhe\m. Đ^ đăng dôm an^h ket [uh âu hlôi đei an^h jang kơ pal tơ\ tơ ring dăr hơ len, vei lăng hơ nơ\ng păng đo\ng yâu hơ len j^ tơ\ ‘nhe\m nhu\ng; đei chơ truh tơ\ dôm an^h te\ch mơ dro tơ păt ‘lơ\ng, vang găn [iơ\ tơ drong j^ tơ po\h, kiơ\ đơ\ng no\h găn đei tơ drong j^ klak nhu\ng Châu Phi. Tơ drong bơ ngai răt xa đei đon tơ che\ng tro\ hăm ‘nhe\m nhu\ng ‘no\h j^ tơ drong tôch g^t kăl vă tơ gu\m ăn bơ ngai rong yak hlo\h khei ‘năr mơ mat tat nhen hrei ‘nâu.

Tuấn Long: Chih

Dơ\ng: Tơ blơ\