VOV4.Bahnar - An^h rei pơ tăm păng vei lăng ‘long pơ tăm dêh char Dak Lak tơ roi, hrei ‘nâu lơ\m dêh char đei hlo\h 80 ha ‘long điêu răm kơ sơ drông phă (ako\m tơ\ dôm apu\ng Krông Pach, Ea H’leo, Krông Năng, Krông Bông). Lơ\m no\h hlo\h 27 ha đei [o\ s^t phă, 54 ha răm đơ\ng pơ rang j^ phă hla kro.

Tơ drong tơm ‘no\h yoa khei ‘năr âu ki lơ\m dêh char đei ‘mi ưh tro\ pơ yan pơm ăn hơ yu\h ‘ngôm to\k, lơ pơ rang j^ chek lar phă pơ răm. Lơ\m dêh char dang ei đei hlo\h 21000 ha ‘long đei mă lơ ‘no\h pơ tăm tơ\ tơ ring atăih yăih, tơ ring kon kông oei ưh tam đei đon vei rong tang găn sơ drông phă.

Vă găn [iơ\ sơ drông phă, An^h vei lăng ‘long pơ tăm tơ tă ăn kon pơ lei năm dăr lăng pơ gar ‘long mă hơ nơ\ng, hơ met rơ go\h pơ gar ‘long, kăt hơ le\h dơng kro, dơng đei sơ drông phă păng pruih pơ gang sơ drông kiơ\ nơ\r pơ tho đơ\ng an^h jang kơ pal.

Dơ\ng: Tơ blơ\