VOV4.Bahnar - Jang kiơ\ trong tơle\ch jang tơ pl^h ‘long pơtăm, m^nh [ar sơnăm kơ au, lơ u\nh hnam kon pơlei tơ\ apu\ng Krông Pach, dêh char Dak Lăk hlôi rơ\ih pơtăm hrau kơmưt. M^nh trong jang pơtăm hrau au to\k bo\k đe\i io\k yua kơ jăp, tơgop pơm sơđơ\ng mu\k drăm ăn lơ u\nh hnam kon pơlei cho\h jang sa tơ\ au. Lơ\m tơdrong tơrong Hla ‘long pơgang Việt năr au, nhôn tơroi găh m^nh [ar u\nh hnam pơtăm hrau kơmưt io\k yua kơ jăp tơ\ apu\ng Krông Pach, dêh char Dak Lak.

U|nh hnam ‘nho\ng Nguyễn Văn Long oe\i tơ\ tơring Ea Yêng, apu\ng Krông Pach đe\i 1 ha chehphe ‘nao pơtăm ming m^nh sơnăm păng 6 sao pơtăm mit Thái. Pơge\nh kiơ\ te\h ho\h plăh sơlam rim dơnơm chehphe păng te\h ho\h tơ\ hơla ‘long mit, ‘nho\ng Long pơtăm hrau kơmưt. ‘Măng mă blu\ng lăp vă io\k hrôih rong klui. Mă le\i đơ\ng ro\ng m^nh pơyan pơtăm ro# bu\ch kơmưt hơnhăk ba đe\i io\k yua kơ jăp. Hăm 1 ha 6 sao te\h, ‘nho\ng bu\ch ro# đe\i 30 tân [um kơmưt, hăm kơ jă 10.000 hlak jên lơ\m 1 k^, lăp đơ\ng ro\ng tơklăh pơ đ^ kon jên tơmơ\t jang ‘nho\ng oe\i io\k đe\i hlo\h 100 tr^u hlak jên.

‘Nho\ng Nguyễn Văn Long tơbăt: “Bơ\n đe\i te\h să ră mă le\i chă pơtăm ‘long pơtăm anai ư\h kơ jing ‘lơ\ng. Mă le\i mư\h pơtăm kơmưt [rê ‘no\h jing ‘lơ\ng. Sơnăm sơ\ bu\ch ro# đe\i 30 tân hăm kơ jă 1 k^ ‘no\h 10.000 hlak jên. Lăp đơ\ng ro\ng tơklăh pơ đ^ kon jên tơmơ\t jang  oe\i io\k đe\i hlo\h 100 tr^u hlak jên lơ\m 1 hektar”

Găh u\nh hnam [ok Trần Minh Thành oe\i tơ\ tơring Krông {uk, apu\ng Krông Pach, đe\i 1ha chehphe hlôi đ^ vă kră kru\t. Mă le\i kơ yuơ ư\h kơ đe\i kon jên tơmơ\t jang, [ok chă pơtăm bơ\n [um hơ [o au to hơmo\ io\k hrôih rong kui. Hlo\h đơ\ng chă pơtăm hơ [o, [um [lang, pơtăm kơmưt [ok Thành [o#h pơtăm kơmưt ‘no\h hiôk hlo\h, dă [iơ\ tơhoach jơ ‘năr jang mă le\i io\k yua kơ jăp lơ hlo\h 3 ‘măng pơtêng hăm pơtăm hơ [o, [um [lang. Khe\i blu\ng sơnăm au, đe\i Ko\ng ty Solavina chă tơgu\m [ok tơ pl^h pơtăm kơmưt.

{ok Trần Minh Thành tơbăt: “ Âu ki đe\i ko\ng ty Solavina vang jang hơdoi hăm tơring, ‘no\h tơring je\i tơle\ch jang tơbăt ăn kon pơlei lơ\m pơlei kơna ba je\i ch^h anăn vang jang kiơ\. Kơ yuơ pơtăm kơmưt sơnăm au ki đe\i io\k yua kơ jăp hlo\h hăm ‘long pơtăm anai, mă [ar dơ\ng đe\i ko\ng ty tơgu\m ăn kon jên găh ba ‘no\h găh te\h. Dôm kon jên tơmơ\t jang au to ‘no\h găh Ko\ng ty ngăl. Tru\h bu\ch te\ch ‘no\h tơklăh pơ đ^ kon jên tơmơ\t jang, pă dôm yơ ‘no\h klăh asong d^h băl m^nh ‘nu m^nh poăt. Tơdăh io\k đe\i nhen ko\ng ty chă hơlen lơ lo\h ‘no\h tơdrong jang sa io\k đe\i kơ u\nh hnam đe\i lơ hlo\h pơtêng hăm chă pơtăm hơ [o, [um nhen dôm sơnăm hơdrol”

Tơ\ anăp đe\i io\k yua kơ jăp đơ\ng kơmưt, [ok Hồ Đức Hòa, Kơdră che\p pơgơ\r Dơno\ an^h ve\i lăng Cho\h jang sa apu\ng Krông Pach tơbăt, tru\h dang e\i lơ\m apu\ng chă pơtăm kơmưt đe\i 1.700 ha. Mă le\i, tơring tim ma\ pơ jing đe\i tơring joăt jang, găh lơ j^ kon pơlei chă pơtăm kơ d^h hrau lơ\m pơgar chehphe. Lăp to\ se\t vang jang hơdoi hăm an^h mơdro sa tơm. Lơ\m au đe\i ko\ng ty Solavina mă le\i ‘nao lăp jang hơdoi hăm rim u\nh hnam pơtăm hlo\h 200ha kơmưt, jang pơlong năng lơ\m apu\ng au. Kơ yuơ lơ lo\h, an^h ve\i lăng cho\h jang sa to\k bo\k pơkă athe\i kon pơlei ‘ne\ chă lang să chă pơtăm kơ d^h vă ve\h ver tơdrong “Đe\i pơyan mă le\i kơ jă re”. Atu\m hăm ‘no\h, an^h au to\k bo\k tơle\ch lăng hơlen găh tơdrong io\k đe\i jơne\i đơ\ng kơmưt vă pơ pro\ tơring chă pơtăm m^nh [ôt đơ\ng no\h jang hơdoi hăm an^h mơdro sa tơm vă sơđơ\ng kơ jă chă răt vă kon pơlei sơđơ\ng jơhngơ\m jang sa.

{ok Hồ Đức Hòa tơbăt: “ Vă sơ đơ\ng ‘no\h yă kiơ je\i le\i lăi kăl đe\i khe\i năr đunh ‘mơ\i păng đe\i tơdrong hơlen kơ jăp đơ\ng rim an^h bơ\ jang lơ\m au ‘no\h đe\i an^h ve\i lăng cho\h jang sa vă jang tơgu\m ăn kơdră che\p pơgơ\r apu\ng gô hơdrin hlo\h dơ\ng lơ\m tơdrong au vă pơm lơ liơ hơlen băt hơdăh ‘no\h lơ\m sơnăm 2018 kơnh lăp đơ\ng ro\ng ro# bu\ch kơnh nhôn pơgơ\r hơlen vă băt hơdăh tơring ayơ jơne\i păng kăl đe\i hơlen mă bre\ mă đơ\ng hre\i au hlôi ato\k tơ iung [lep ră bơih mă le\i lăp hăm đunh đai tai sơnăm dăh mă ư\h ‘no\h jing tơdrong kăl hlo\h”.

Đơ\ng chă pơtăm hơdro# chehphe, tru\h dang e\i lơ kon pơlei cho\h jang sa tơ\ Krông Pach, dêh char Dak Lăk hlôi jang kiơ\ trong chă pơtăm hrau kơmưt, rim kơ loăi ‘long pơtăm lăp hăm groi te\h, to\ ‘mi kial, pơ jing đe\i te\h rơhu\ ‘lơ\ng vă tơgu\m ăn jang chehphe adoi tơgop pơm sơđơ\ng tơdrong jang sa kơ u\nh hnam.

Bơngai ch^h: Hương Lý

Tơblơ\ nơ\r: Amazưt