VOV4.Bahnar - Jang cà phê kiơ\ pơkăp kơjăp  xơđơ\ng hlôi pơyua lơ ăn kon pơlei choh jang xa tơ\ Chư\ Mgar, dêh char Dak Lak. Ja#p apu\ng hlôi pơjing đei hloh 30 hơp tak xăh, anih jang găh cà phê kơjăp xơđơ\ng kiơ\ tơchơ\t 4C, UTZ, cà phê hơto\ hơnơ\ng... Tơdrong jang cà phê kiơ\ pơkăp kơjăp xơđơ\ng hlôi tơplih trong jang cà phê xo, tơgu\m ăn kon pơlei tơre\k hăm tơdrong rơgei khoa ho\k kih thuơ\t, mong [iơ\ jên jang păng hơto\k pơyua lơ găh cà phê, đơ\ng noh hơto\k io\k yua ăn unh hnam.  

Unh hnam [ok Ngô Văn Bình, tơ\ kueng kơpho# 7, th^ xăh Quảng Phú, apu\ng Chư\ Mgar đei hloh 1,8ha cà phê pe\ plei. Adrol ki hơdrông pơrang pơrăm păng ưh kơ măh đak ruih noh pơgar cà phê kơ unh hnam [ok ưh kơ đei yua. Đơ\ng vang jang lơ\m kâu lak [o# hơto\k cà phê kơjăp xơđơ\ng kơ kueng kơpho# 7, th^ xăh Quảng Phú, [ok Bình hlôi đei pơtho ăn trong hlôh vao lơ\m pơtăm, vei lăng cà phê hăm dôm trong khoa ho\k kih thuơ\t nhen: Ruih đak pơkom [iơ\ tơ\ hơla 400 lít/tơm, chă  io\k kơ ep lep ler vă xa hơdrông pơrăm, tuh pho\ng mă hơto\, [lep hăm khei năr pơkăp… Pơgar cà phê unh hnam [ok Bình đei hơto\k [ôh hơdăh, cham char tăp dăr pơgar đei vei tơnăp. Dang ei rim xơnăm cà phê kơ unh hnam [ok Bình đei 4-5 tấn găr/ha. {ok Bình chơt hơ iă tơroi: Vang jang cà phê kơjăp xơđơ\ng đei đơ\ng kơpal truh pơtho ăn kih thuơ\t, jang kiơ\ thoi noh rim k^ cà phê te\ch đei kơjă dôm hre\ng hlak jên dơ\ng.

Lơ\m ja#p apu\ng Chư\ Mgar hlôi pơjing hloh 30 hơp tak xăh, kâu lak [o# jang cà phê kơjăp xơđơ\ng kiơ\ dôm tơdrong pơkăp 4C, UTZ, cà phê hơto\ hơnơ\ng… Vang jang lơ\m hơp tak xăh păng kâu lak [o# cà phê kơjăp xơđơ\ng tơgu\m kon pơlei pơtăm cà phê tơroi dih băl găh kơtơ\ng ang păng hơyuh to# ‘mi, tơdrong pơrang pơrăm tơm cà phê thoi yơ… Mă kăl hloh noh um ru\p jang âu hlôi tơroh đei jơnei 4 anih jang lơ\m tơdrong jang hadoi pơtăm cà phê kiơ\ pơkăp kơjăp xơđơ\ng. Hăm cham char noh gơnơm đei ho\k hơlen noh rim unh hnam vang jang cà phê đei hla bar pơkăp hlôi hlôh vao hơdăh hloh lơ\m tơdrong vei lăng thong đak păng vei tơnăp rơm re\k, hơto\k pơtăm ‘long pơm yơ\p păng minh [ar kơloăi ‘long pơtăm vă vei đak hram păng hơmet pơ ‘lơ\ng teh, dar deh hu\t le# tơdrong yua lơ pơgang hơdrông.

Tơdrong tơroh pơm jang đơ\ng tơdrong tuh pho\ng, tang găn hơdrông pơrang... truh tơ\ pe\ plei, xơ\k pơkro hlôi pơm tơle\ch tơmam drăm cà phê ‘lơ\ng hloh, đei tơm a hla chă hơdăh. {ok Nguyễn Văn Phúc, Kơdră Hơp tak xăh choh jang xa hơto\ hơnơ\ng Ea Kiết, xăh Ea Kiết, apu\ng Chư\ Mgar ăn tơbăt: Rim xơnăm hăm tơdrong jang cà phê kơjăp xơđơ\ng noh Hơp tak xăh pơih đơ\ng 3 truh 4 ‘măng pơhrăm ăn kon pơlei vang jang băt găh khoa ho\k kih thuơ\t, vei rơgoh tơmam xa, xơđơ\ng tơdrong jang vă đe ye\t băt hơdăh. Mă kăl noh hăm rim unh hnam noh rim khei đei tơdrong pơkăp jang hơdăh ăn rim khul pơm jang, pơtho ăn kon pơlei hlôh vao găh tơdrong jang hơto\k cà phê kơjăp xơđơ\ng rơgoh ‘lơ\ng hloh.  

Apu\ng Chư\ Mgar đei hloh 35.500ha cà phê, lơ\m noh đei hloh 15 rơbâu ha cà phê pơm jang đei hla bar pơkăp hăm je# 10.000 unh hnam vang jang, rim xơnăm axong hloh 37.000 tấn cà phê kiơ\ tơchơ\t 4C, UTZ, RFA păng cà phê hơto\ hơnơ\ng.

Hơto\k cà phê kơjăp xơđơ\ng hlôi tơgu\m kon pơlei tơre\k hăm khoa ho\k kih thuơ\t, kơjă cà phê đei hơto\k, cham char đei vei lăng tơnăp. ‘Nâu duh jing tơchơ\t mă apu\ng Chư\ Mgar tơre\k truh vă pơjing păng hơto\k choh jang xa kơjăp xơđơ\ng. {ok  Nguyễn Văn Minh, Pho\ kơdră anih vei lăng kon pơlei apu\ng Chư\ Mgar ăn tơbăt:  Apu\ng hlôi đei trong pơtoi pơtho vă tơmơ\t lơ bơngai jang lơ\m jơnu\m hơto\k cà phê kơjăp xơđơ\ng. Pơtoi pơtho ăn dôm xăh tơnap tap lơ\m dôm xăh đei kon pơlei kon kông vă pơjing dơ\ng minh [ar hơp tak xăh choh jang xa đei tơdrong tơguăt jang cà phê vă tơgu\m kon pơlei duh nhen rim bơngai gơh hiôk hian tơre\k hăm trong pơm jang ‘nao hơto\k pơ ‘lơ\ng ‘long pơtăm dơnơm âu kơ apu\ng, vă pơm kiơ\ tơdrong pơkăl đơ\ng dôm tơring răt cà phê đơ\ng teh đak đe.

Tơdrong pơjing kâu lak [o#, hơp tak xăh jang cà phê kơjăp xơđơ\ng tơ\ apu\ng Chư\ Mgar, Dak Lak hlôi pơyua [ôh hơdăh. Kiơ\ đơ\ng noh, rim tơdrong tơplih găh trong pơm jang cà phê xo xơ\, tơgu\m ăn kon pơlei tơre\k hăm trong jang rơgei khoa ho\k kih thuơ\t, mong [iơ\ jên hoach lơ\m pơm jang, hơto\k kơjă tơmam drăm pơm tơle\ch, pơm tơle\ch đei tơmam drăm cà phê ‘lơ\ng, hơto\k io\k yua ăn unh hnam tơgop hơto\k mu\k drăm tơ\ tơring.

Lan chih păng rapor