VOV4.Bahnar -  Khei năr âu ki, tơ\ dêh char Kon Tum hlôi pơjing um ru\p jang hadoi, tơgu\m choh jang xa đơ\ng anih jang te\ch răt hăm kon pơlei jang mir, păng jơnu\m pơgơ\r tơring hăm kon pơlei. Tơdrong jang hadoi pơtăm sâm Ngọc Linh đơ\ng Anih jang Cổ phần Sâm Ngọc Linh Kon Tum păng 220 unh hnam kon pơlei tơ\ xăh Măng Ri, apu\ng Tu Mơ Rông, hlôi đei pơyua kăp g^t hloh.

Unh hnam 'nho\ng A Chen tơ\ pơlei Chung Tam, xăh Măng Ri, apu\ng Tu Mơ Rông pơtơm jang hadoi vă pơtăm sâm Ngọc Linh hăm Anih jang Cổ phần Sâm Ngọc Linh Kon Tum ăh xơnăm 2013. Đơ\ng năr mơ\t jang hadoi, mă tam mă đei tơmam io\k yua mă lei mu\k drăm unh hnam 'nho\ng A Chen hlôi đei tơplih kăp g^t. 'Nho\ng A Chen ăn tơbăt: tơdrong mơ\t jang hadoi lơ\m khul pơtăm sâm đei yua lơ, kơdih po noh đei tơdrong jang xơđơ\ng, đei tơgop jơhngơ\m vang vei lăng bri, vei lăng hơdre\ch sâm Ngọc Linh kăp g^t: “Unh hnam inh pơtăm đei 200 truh 300 tơm sâm. Anih jang Cổ phần sâm Ngọc Linh Kon Tum ăn 'nho\ng oh vei hơlen măng năr hloi vă vei xơđơ\ng tơdrong jang po. Axong ăn kon pơlei hơto\k io\k yua lơ\m minh khei noh đơ\ng 2 triu 500 rơbâu truh 3 triu 500 rơbâu hlak jên. Minh xơnăm Anih jang axong ăn 'nho\ng oh jang minh 'nu 100 tơm vă hơto\k io\k yua ăn kon pơlei vang jang hadoi ”.

Kiơ\ Jơnu\m pơgơ\r tơring Măng Ri, apu\ng Tu Mơ Rông, dang ei lơ\m xăh đei 220 unh hnam kon pơlei Sedang vang jang hadoi pơtăm sâm Ngọc Linh hăm Anih jang Cổ phần Sâm Ngọc Linh Kon Tum. Rim khei, rim unh hnam đei anih jang axong ăn 21 k^ phe, kla jên khei vei jang pơgar  sâm đơ\ng 3 truh 3 triu 500 rơbâu hlak jên. Kon pơlei bu bu adoi chơt hơ iă yuơ đei tơdrong jang păng xa jene khei xơđơ\ng. 'Nho\ng A Chung, oei tơ\ pơlei Đak Dơn ăn tơbăt: “Xơnăm âu jing xơnăm mă 3 vang jang tơ\ âu, kơdih po unh hnam păng dôm unh hnam lơ\m pơlei vang jang hăt hot, kơlih anih jang tơgu\m ăn rim unh hnam 100 tơm, 100 tơm tơđăh. Vang jang răh 1 xơnăm jang 4 'măng, lơ\m noh 1 khei 3 năr jang kiơ\ pơkăp đơ\ng anih jang pơjao, hơto\k io\k yua noh kon pơlei hơ iă jơhngơ\m. Minh năr jang duh kla jên, por xo\ng [oh măm adoi axong tôm, kon pơlei ưh kơ đei hiong ôh, noh đe ye\t chơt hơ iă. Tơje# hăm noh ba vei hơlen bri, tơ\ hơla noh ba pơtăm sâm dơ\ng noh đei yua đơ\ng 2 păh hloi”

Tơpă ăn [ôh, đơ\ng je# 5 xơ pơm jang, tơdrong jang hadoi pơtăm sâm Ngọc Linh đơ\ng Anih jang Cổ phần Sâm Ngọc Linh Kon Tum hăm 220 unh hnam kon pơlei tơ\ xăh Măng Ri, apu\ng Tu Mơ Rông, dêh char Kon Tum đei kon pơlei drơ\ng nơ\r vang jang. Tơdrong 'lơ\ng kơ trong jang âu noh xek axong tơdrong jang ăn kon pơlei lơ\m xăh, tơgop kăp g^t lơ\m hơto\k tơdrong erih ăn kon pơlei kon kông duh nhen vei vêr păng hơto\k đei hơdre\ch sâm kăp g^t Ngọc Linh.

Lan chih păng rapor