Tơring đei jĭ ou tơ̆ tơring Ea Bhôk păng Dray Bhăng hăm 2 ‘nu bơngai jĭ grŏnh. Kiơ̆ đơ̆ng ƀok thây pơgang Nguyễn Khắc Dũng – Kơdră Hnam pơgang apŭng Cư Kuin, dêh char Dak Lăk, lăp đơ̆ng rŏng ƀô̆h jĭ, Hnam pơgang apŭng hlôi jang hơdoi hăm hnam pơgang tơring dăr lăng bơngai jĭ, pruih pơgang Cloramin B; Pơtho ăn ŭnh hnam pơm rơgoh tơmam pơm ngôi, pơnhan sŏng sa, hơnih tep kơ hơ ioh jĭ păng tơroi tơbăt trong jang tang găn jĭ grŏnh hăm rim ŭnh hnam oei tơjê̆ ŭnh hnam đei bơngai jĭ. Adoi iung jang dăr lăng, chih hơnăn đĭ đăng hơ ioh tim mă truh 5 sơnăm tim mă ƀet bơ̆ng, ƀet bơ̆ng tim tôm jrŭm dăh mă ưh kơbăt đĭ ƀet dăh mă tim mă ƀet bơ̆ng jĭ grŏnh, jĭ grŏnh – rubella vă ƀet bơ̆ng dơ̆ng ăn đĭ đăng hơ ioh.