Kiơ̆ Anih vei lăng tơdrong jĭ jăn (CDC) dêh char Đắk Lắk, bơngai jĭ âu ‘nŏh jĭ mon drŏ kăn, rơnĕh sơnăm 2016, tơ̆ xăh Ea Hồ, apŭng Krông Năng. Kiơ̆ bơngai lơ̆m hnam tơroi, ‘năr 17/7, mon yuh tôch dêh, jĭ kơ̆l, đei chơ ba khăm, hơmet jĭ tơ̆ Hnam pơgang apŭng Krông Năng.

Truh ‘năr 20/7, mon đei chơ năm tơ̆ Hnam pơgang Đa khoa tơring Tây Nguyên hăm tơdrong khăm hơlen akhan mon yuh đunh/kăl hơlen năng tơ̆ kơ̆l ‘ngok. ‘Năr 25/7, tơdrong set hơlen ăn ƀôh mon đei jĭ ‘ngŏk Nhật Bản. Hnam pơgang apŭng Krông Năng hlôi tơlĕch trong pruih pơgang jŭm dăr hnam bơngai jĭ păng hơtŏk tơdrong roi tơbăt ăn kon pơlei tơ̆ tơring, tơlĕch lơ trong jang kơchăng tang găn jĭ.