Lơ̆m noh đei 700 ‘nu bơngai jĭ lơ̆m 1 khei tơjê̆ âu. Tơring đei bơngai jĭ lơ hlŏh ‘nŏh jĭ pơlei tơm Đà Lạt, đơ̆ng rŏng kơ ‘nŏh apŭng Đức Trọng. Lơ̆m dôm bơngai jĭ grŏnh tơ̆ Lâm Đồng đei lơ bơngai ‘lŏ bơih.

Tơ̆ hơnăp tơdrong jĭ grŏnh tŏk hrĕnh, kŭm hăm hơtŏk tơdrong khăm hơlen, hơmet jĭ, hơmet tôm tơmam, pơgang vă hơmet jĭ grŏnh, anih jang pơgang tơ̆ tơring oei adrin tơlĕch trong tang găn ‘lơ̆ng jĭ păng pơgơ̆r ƀet bơ̆ng, pơm ‘lơ̆ng vă hlŏh 95% hơioh đei ƀet vắc xin tang găn jĭ grŏnh.