Đơ̆ng blŭng sơnăm truh dang ei, dêh char Kon Tum hlôi đei 33 hơnih jĭ pơlŏ lĕch đei hăm hloh 160 ‘nu bơngai jĭ, pơtêng hăm sơnăm sơ̆ tŏk 10 hơnih păng 98 ‘nu bơngai jĭ. Dang ei, jĭ pơlŏ lĕch đe tơ̆ Kon Tum tŏk bŏk lang să. Nhen tơ̆ apŭng Kon Plông, hơnih mă dôm sơnăm sơ̆ ưh kơ đei bơngai bu jĭ, dang ei hlôi đei 4 ‘nu bơngai jĭ pơlŏ lĕch đe. Găh tơ̆ apŭng Kon Brăih hlôi đei 110 ‘nu bơngai jĭ, lơ hlŏh lơ̆m rim apŭng, pơlei tơm kơ dêh char Kon Tum mă đơ̆ng hlôi tơlĕch jang tang găn pơrang jĭ. Dêh char Kon Tum hlôi pơrô̆ athei hơnih bơ̆ jang tang găn jĭ jăn, hơmet ăn kon jên hu, pơgang, pơrô̆ pơtho tơbăt trong tang găn jĭ pơlŏ lĕch đe ăn vă jê̆ 26.000 ‘nu kon pơlei; pơgơ̆r hloh 2.200 ‘măng iung jang pơlôch klanh.