Vă tang găn tơdrong tơpoh đơ̆ng pơrang pơhroi, anih jang pơgang hơmet jĭ jăn tŏk bŏk oei hơtŏk hơlen pơrang păng ƀet pơgang vaccine bơ̆ng jĭ ăn đe hơ-ioh. 5 ‘nu ƀơm jĭ pơhroi tơ̆ dôm apŭng Cư Kuin, Buôn Đôn, Krông Buk păng pơlei tơm Buôn Ma Thuột. Lơ̆m noh đei 3 ‘nu hơ-ioh tam mă ƀet vaccine bơ̆ng jĭ.

Kiơ̆ kơ ƀok Hoàng Hải Phúc, Kơdră Anih jang Hơlen hơmet pơrang jĭ jăn dêh char Đăk Lăk, sơ̆ jing tơdrong tơm pơm đei pơrang pơhroi lang să kơtang lơ̆m khei năr tơjê̆ âu ‘noh kơyuơ tơring ưh kơ mah vaccine ƀet bơ̆ng jĭ pơhroi lơ̆m sơnăm 2023 păng dôm khei blŭng sơnăm 2024. Dang ei vaccine hlôi đei tôm, dêh char tŏk bŏk oei akŏm hơlen đe hơ-ioh tam mă ƀet vaccine bơ̆ng jĭ tơ̆ dôm tơring đei hơ-ioh ƀơm jĭ vă chă ƀet hơdrăp dơ̆ng.