VOV4.Bahnar - Pơtăm hơmet cà phê dang ei jing tơdrong jang đei lơ kon pơlei tơre\k truh. Anih mong jên hơto\k tơring tơrang ‘nao dêh char Đak Lak duh xơkơ\t axong jên to\k io\k 3 rơbâu tih hlak jên vă axong ăn tơdrong jang pơtăm hơmet. Mă lei dang ei kon pơlei tơ\ lơ tơring lơ\m dêh char duh tam mă gơh to\k io\k jên axong jang âu.

Unh hnam yă Trần Thị Liên tơ\ xăh Hòa Đông, apu\ng Krông Pach, dêh char  Đak Lak đei je# 7 sào cà phê kră, ưh kơ đei lơ plei noh athei ro# le# vă pơtăm ‘nao. Yă Liên ăn tơbăt, unh hnam yă ngêh vă hơmet pơtăm ‘nao pơgar cà phê đơ\ng đunh mă lei tam mă măh jên jang. Lơ\m khei năr noh, jơnu\m kon pơlei jang mir tơ\ xăh tơroi kơ unh hnam yă găh jên to\k io\k ăn kon pơlei pơtăm tơ ‘măl cà phê, yă chơt hơ iă. Cho\ng mă tơdrong hơ iă kơ unh hnam yă pă dôm yơ [ơ\t yă che\p hla bar truh apinh to\k io\k jên:  Dang ei năm to\k io\k đe xư hơnơ\ng kơ tơl, axong to\k io\k đơ\ng 1 truh 2 xơnăm mă lei lơ\m 2 xơnăm noh athei klă tôm jên to\k io\k, pơtih nhen to\k io\k 100 triu hlak jên noh 2 xơnăm athei klă mă tôm, hăm tơdrong pơkăp thoi noh, unh hnam inh ưh kơ ke\ hơmet pơtăm ôh.

Dôm unh hnam năm to\k io\k jên vă pơtăm hơmet cà phê ăn tơbăt, mă tơchơ\t tơgu\m hlôi đei mă lei lơ hla bar bơ\ tơnap tap nhen apinh hla bar xơkơ\t ke\ pơm jang, oei lơ\m tơring pơtăm cà phê đei dêh char pơkă, pơm kiơ\ kơjăp tơdrong pơtăm yuơ Anih tơm choh jang xa păng Hơto\k pơlei pơla ‘nao tơbang noh lơ kon pơlei jang mir ưh kơ kh^n to\k io\k. ‘Ngoaih kơ noh, tơdrong ăn to\k io\k vă pơtăm hơmet cà phê dang ei đei axong kiơ\ pơyan jang xơnăm mă blu\ng noh choh hơmet teh pơtăm ‘nao đei to\k io\k 80 triu hlak jên/hec ta, xơnăm mă 2 đei to\k io\k 30 triu hlak jên, xơnăm mă 3, mă 4 đei to\k io\k 40 triu hlak jên. Dang lơ\m khei năr noh, kon pơlei pơtăm cà phê to\k io\k đơ\ng 130 truh 150 triu hlak jên vă pơtăm 1 hec ta cà phê. Mă lei, kon pơlei ưh kơ đei axong to\k io\k minh ‘măng mă athei to\k io\k răh rai lơ\m lơ xơnăm. Tơdrong mă âu pơm tơnăp ăn kon pơlei [ơ\t ‘meh ako\m lơ jên vă pơm jang. Noh kon pơlei ưh kơ ‘meh chă to\k io\k bơih. {ok Nguyễn Văn Minh, Pho\ kơdră Anih jang vei lăng kon pơlei apu\ng Chư\ Mgar ăn tơbăt: Anih mong jên adoi đei lơ tơdrong tơgu\m vă pơklaih tơnap tap nhen: hơgăt teh kơ kon pơlei ưh kơ kăl hơlen tơdrong ‘lơ\ng, unh hnam yơ tam mă đei hla bar xơkơ\t yua teh noh adro# kăl k^ pơkăp đơ\ng anih jang xăh đe\ch… Mă lei tơdrong kăl to\k io\k jên vă jang đơ\ng kon pơlei jang mir noh kăl tơpă, mă lei anih mong jên axong to\k io\k lơ\m 150 triu hlak jên đe\ch lơ\m minh hec ta. Lơ\m 4 xơnăm kon pơlei ưh kơ đei tơmam chă te\ch yơ mưh pơtăm hơmet cà phê, mưh chă pơtăm ‘long pơtăm nai noh io\k yua pă dôm yơ, noh kon pơlei ưh kơ đei hơ iă hăm tơdrong axong jên to\k io\k âu.

Đak Lak jing dêh char đei hơgăt cà phê xă hloh kơ ja#p teh đak hăm hloh 200 rơbâu héc ta, lơ\m noh đei dôm j^t rơbâu héc ta hlôi kră kăl pơtăm hơmet dơ\ng. Vă axong ăn tơdrong pơkăp pơtăm hơmet 27 rơbâu héc ta cà phê kră, xơnăm 2013 anih mong jên choh jang xa păng hơto\k pơlei pơla ‘nao xơkơ\t axong hloh 3 rơbâu tih hlak jên. Mă lei truh khei năr âu, hăm jên oei hre 51 tih hlak jên, axong jang ăn pơtăm hơmet hloh 600 ha. Vă pơm hiôk ăn tơdrong to\k io\k pơtăm hơmet cà phê, [ok Tăng Hải Châu pho\ kơdră Anih mong jên teh đak jang tơ\ Đak Lak pơtruh nơ\r: Jơnu\m pơgơ\r teh đak kăl yua jên mong trung ương văklă jene cheh ăn kon pơlei pơtăm hơmet cà phê lơ\m khei năr tơm cà phê tam mă đei plei vă kon pơlei xơđơ\ng jơhngơ\m. Mă 2 noh axong tơđăh ăn bơngai pơtăm hơmet cà phê duh jing trong jang hiôk vă hơmet pơgar cà phê hăm hơdre\ch ‘lơ\ng. Găh tơring, athei đei tơdrong jang đơ\ng tôm jăl jang, minh adro# anih mong jên noh tơnap kơ jang keh. Athei tơroi pơtho kon pơlei pơtăm hơmet cà phê noh bơ\n pơtơm jang đei jơnei tơchơ\t pơtăm hơmet cà phê.

 Tơpă ăn [ôh kon pơlei duh oei kơdih chă jên vă pơtăm hơmet  cà phê kră lơ\m tơdrong tơnap tap tôch dêh. Trong pơkăp ăn to\k io\k jên vă pơtăm hơmet cà phê noh kăl tơpă mă lei kăl tơjur tơnap tap vă kon pơlei tơre\k hăm jên to\k io\k gơh hiôk hian hloh.

Lan chih păng rapor