VOV4.Bahnar - Đơ\ng ro\ng kơ pơtăm lang xă tiu yuơ tơdrong pơyua lơ đơ\ng hơdre\ch ‘long pơtăm âu, noh dang ei, lơ kon pơlei jang mir tơ\ Dak Lak jing tơnap tap hăm kơjă tiu tơjur, pơrang pơrăm. Tơdrong hơto\k lang xă tiu ưh kơ đei pơkăp kơja\ăp xơđơ\ng pơm ăn lơ unh hnam jing hre hrông tôch kơ lơ.

Yuơ kơjă tiu lơ\m dôm xơnăm kơ âu hơn\ng kăp kơ jên. Đei khei kơjă minh k^ tiu to\k truh 230 rơbâu hlak jên, hlôi pơm ăn [ok Đỗ Văn Thêm, oei tơ\ thôn 2, xăh Krông Á, apu\ng M’Drak, dêh char Dak Lak hăt hot chă pơtăm. Lơ\m hơgăt teh pơgar je# 1 ha rok kiơ\ groi teh kơ po adrol âu ki, tong ane# teh noh [ok pơtăm tiu, oei păh nai noh [ok pơtăm [um [lang păng kơtao. Cho\ng mă 2 xơnăm kơ âu, [ok pơkăp pơtăm pơđ^ tiu tơ\ hơgăt teh âu. Tam mă tom hơ iă hăm tơdrong đei yua, dang ei [ok oei pơng\t kơ đon [ơ\t kơjă tiu tơjur oei pă tong ane# pơtêng hăm khei năr âu xơnăm xơ\. Lơ\m kơplăh noh, hơyuh to# ‘mi ưh kơ xơđơ\ng, teh noh ưh kơ [lep hlôi pơm ăn dôm jrăng tiu ‘nao pơtăm [ơm đak to\ng đơ\ng ro\ng kơ ‘mi tih đunh năr âu ki. {ok Đỗ Văn Thêm ăn tơbăt: - Unh hnam inh pơtăm xo 500, pơtăm ‘nao 500 jrăng tiu. Mă lei dang ei noh lôch đ^ 30 tơm bơih. Dang ei pơtăm đei minh jrăng tiu noh duh huach 300 rơbâu hlj, axong jang xo noh hloh minh triu hlj. Ako\p jên jang xo păng ‘nao dang ei noh đ^ 800 triu hlj, athei năm to\k io\k đơ\ng anih mong jên, dang ei kơjă tiu hăp tơjur thoi âu noh pơng\t kơ đon tơpă.

Oei yă Nguyễn Thị Bé, oei tơ\ xăh Ea Kao, plei tơm Buôn Ma Thuột ăn tơbăt: [ôh lơ hnam tăp dăr pơtăm tiu đei yua lơ, ăh je# đ^ xơnăm 2015, unh hnam yă ro# le# 5 sào cà phê đang kơ noh to\k io\k jên đơ\ng anih mong jên hloh 100 triu hlj vă pơtăm hloh 400 jrăng tiu, mă lei truh dang ei ưh kơ băt thoi yơ mă pơgar tiu [ôh ưh kơ giơ\ng, dreng hla păng lôch tenh, dang ei hlôi lôch kro hloh 200 tơm bơih, lơ tơm nai pơtoi oei dreng hla. Mă hlôi yua lơ kơloăi pơgang mă lei tơdrong ưh kơ đei yua đơ\ng pơgar tiu âu oei [ôh đang măt. Yă Bé pơngơ\t tơroi: “Mă blu\ng unh hnam inh athei to\k io\k jên jang. ‘Măng adrol ki duh axong jang tơ\ âu ngăl. Jên to\k io\k vă jang xa mă dang ei huach đ^ thoi âu noh kơnh vă pơm thoi yơ âu”.

Ưh kơ adro# kon pơlei pơngơ\t kơ đon, tơdrong mă tiu lôch yuơ pơrang pơrăm kơlih kơdâu kiơ\ tơdrong pơyua lơ, ưh kơ đei pơm kiơ\ pơkăp găh kih thuơ\t, pơm ăn tơdrong choh jang xa păng khul juăt jang pơngơ\t kơ đon mơ\n. Kơlih ưh kơ adro# pơrăm kơtă truh tơdrong pơyua ăn kon pơlei jang mir mă hăp oei pơrăm truh tơ\ cham char. Tiến sỹ Trương Hồng, Axong bơ\ kơdră Anih jang hơlen khoa ho\k kih thuơ\t choh jang xa jang găh bri Tây Nguyên ăn tơbăt: Pha hăm cà phê, tơm tiu đei tơdrong pơkăp pơtăm păng vei rong kăp g^t. Athei [lep hăm teh, đei vei rong [lep kih thuơ\t noh tiu pơtơm to\k giơ\ng. Tơdrong mă io\k anih teh le# hoh vă pơtăm tiu noh ưh kơ drơ\ng ôh. ‘Nguaih kơ noh, tơdrong rơih hơdre\ch hăm tơdrong hlôh vao po noh tơdrong ‘lơ\ng duh ưh kơ đei vei xơđơ\ng mơ\n. Tơdrong mă pơrang pơrăm duh kiơ\ kơ noh mă lang xă chêk lar lơ\m pơgar tiu tơ\ lơ tơring. Dôm tơdrong tơ\ kơpal noh jing tơdrong tơm pơm ăn tơdrong pơyua, tơdrong ‘lơ\ng hăm tiu ưh kơ đei [lep nhen pơkăl đơ\ng tơring răt yua pơkăp. Tiến sỹ Trương Hồng ăn tơbăt: “Khei năr âu ki, kơjă tiu to\k kăp tenh, ưh kơ đei hơdre\ch ‘long pơtăm yơ kiơ\ tom, noh kon pơlei hlôi pơih xă hơgăt pơtăm tiu păng hlôi hloh kơ tơdrong pơkă truh dang ei 100% pơtêng hăm adrol ki. {ơ\t mă bơ\n hơto\k tiu tenh nhen dang ei noh đei lơ tơdrong kăl tơre\k truh nhen bri, đak, hơdre\ch, rơgoh tơmam drăm, thoi noh gô pơrăm truh tơdrong hơto\k jang tiu xơđơ\ng đunh đai tơ\  Việt Nam”

Ưh kơ đei bu hơ ngăh tơdrong pơyua đơ\ng tơm tiu ăn mu\k drăm tơring Tây Nguyên pơma atu\m păng dêh char Dak Lak pơma adro#, mă hăt noh ăh kơjă tơmam drăm âu xơđơ\ng kăp. Kơ rơbâu unh hnam kon pơlei hlôi tơplih tơdrong erih, ưh kơ adro# yak hloh pơngot rơve\t, mă oei jing pơdro\ng đơ\ng jang tiu. Mă lei vă tiu to\k giơ\ng kơjăp xơđơ\ng, tơdrong kăl hăm anih choh jang xa păng jơnu\m pơgơ\r tơring noh vei lăng tơnăp tơdrong pơkăp pơtăm tiu, dru\t kơtang tơdrong hơvơn tơroi ăn kon pơlei băt hơdăh ne\ kơdâu kiơ\ tơm pơtăm âu kơnh [ơm răm.

Lan chih păng rapor