VOV4.Bahnar - Tơ\ dêh char Kon Tum [um [lang đei dôm hnam kơmăi răt hămkơjă 3.000 hlak jên minh k^, kăp hloh lơ\m lơ xơnăm kơ âu. Cho\ng mă tam mă tom xo# hơ\k noh tơdrong pơngơ\t kơ đon đơ\ng kon pơlei pơtăm [um tơ\ apu\ng Đak Tô, minh lơ\m dôm tơring tơm pơtăm [um [lang kơ dêh char. Tơdrong tơm noh hloh 1.000ha kơ kon pơlei tơ\ âu hlôi [ơm pơrang pơrăm. Atu\m hăm răm găh tơdrong io\k yua păng tơdrong ‘lơ\ng hăm [um, kon pơlei oei pơngơ\t minh tơdrong tih hloh noh tam mă đei hơdre\ch nai vă tơplih lơ\m kơplăh pơyan jang ‘nao hlôi truh.

Oei đei hnam kơmăi răt hăm kơjă kăp hloh lơ\m dôm xơnăm kơ âu, truh je# 3.000 hlak jên minh k^ [um [lang cho\ng mă lơ unh hnam tơ\ xăh Tân Cảnh, apu\ng Đak Tô duh ưh hơ iă yuơ tơm [um [lang [ơm pơrang pơrăm. ‘Nho\ng Nguyễn Văn Khởi, oei tơ\ thôn 2, xăh Tân Cảnh ăn tơbăt, unh hnam pơtăm 5 sao [um [lang le# đơ\ng xơnăm xơ\ truh xơnăm âu. ‘Măng io\k yua âu ki hơnơ\ng kơche\ng đei yua to\ xe\t jat noh đei pơhlom 20 tân [um, bu ê ăi yuơ tơm [um [lang [ơm pơrang noh ưh đei yua lơ. Răm oei dêh hloh hăm unh hnam io\k yua adar yuơ roi le# đunh [um [lang roi pă đei pu\k păng [um ôm: “Lơ\m tơring Đak Tô bơ\n âu mă kăl noh pơtăm hơdre\ch KM94 noh mă tơm adoi [ơm pơrang ngăl. {ơm pơrang mă buc\h yua ăh khei 9 noh hăp yua păh ăi đe\ch mă lei le# ăh khei 12, khei  1, xơnăm đơ\ng ro\ng noh hăp tơjur pơhlom 30 truh 40% yuơ lơ [um hlôi pôi, ôm păng ưh đei yua”.       

Xăh Tân Cảnh đei hloh 1.000ha [um [lang lơ\m hơgăt 6.500ha [um lơ\m ja#p apu\ng. Hơlen đơ\ng jơnu\m pơgơ\r tơring ăn [ôh hlôi đei 350ha [um [lang kon pơlei pơtăm [ơm pơrang pơrăm hăm gru kơnăl đei [ôh nhen: tơ ‘mơ\ng tơm [um [lang lôch kro, hla ie\ hơrăng, kơmăt tơm jing kơđeh... {ok A Chiến, Kơdră Anih vei lăng kon pơlei xăh Tân Cảnh ăn tơbăt, tơ\ dôm hơgăt [um [ơm pơrang, [um tơjur đơ\ng 10 truh 30%, [um đei pu\k tơjur đơ\ng 20 truh 30%, pơrăm tih tên hăm kon pơlei jang mir:  “Tơpă yơ\ng âu ki lơ unh hnam pơtăm noh axong huach lơ. Ngêh đei yua lơ\m minh ha đơ\ng 40- 50 tân. Mă lei lơ\m tơdrong io\k yua noh tơjur oei pă 30 tân ưh đei yua lơ ôh. Tơdrong tơm mă mônh noh tơm [um [lang ưh ke\ to\k giơ\ng pran. Đei [um mă lei [um ưh đei pu\k, noh kơjă ưh đei kăp. Mă 2 noh kon pơlei hơnơ\ng le# tơm [um lơ\m 2 xơnăm mă lei ăh [ơm pơrang noh ưh gơh io\k yua ôh.  Roi le# tơm [um truh xơnăm mă 2 noh pơrang roi lang xă. Tơdrong io\k yua pho\ lơ\m minh ha oei pă 50% tơm [um”.  

            Kiơ\ tơdrong hơlen đơ\ng apu\ng Đak Tô, dang ei đei hloh 1.000 [um [lang lơ\m kơxo# 6.500ha [um kơ ja#p apu\ng [ơm pơrang. Dôm xăh đei hơgăt [um [lang [ơm pơrang lơ noh Pô Kô 410ha, Tân Cảnh 350ha, Kon Đào je# 200ha… {ok A Quang, Pho\ kơdră anih choh jang xa păng hơto\k tơring pơxe\l apu\ng ăn tơbăt, tơdrong tơm lơ\m 20 xơnăm kơ âu kon pơlei lơ\m apu\ng mă lơ noh pơtăm hơdre\ch [um [lang KM94: “Hơdre\ch noh kon pơlei răk đơ\ng xơ\ minh [ar tơm hăp [ơm pơrang đơ\ng adrol. Kon pơlei răk hơdre\ch [ơm pơrang noh hăp lang xă dar deh kiơ\ rim xơnăm. Xơnăm âu lơ hơgăt pơtăm [ơm răm kơtang. Anih jang hlôi jang hadoi hăm Anih vei lăng ‘long pơtăm, Anih vei lăng kon pơlei dôm xăh, th^ tra#n hơlen hơgăt pơtăm lơ\m xăh mă đei [um [ơm pơrang noh pơhlom 1.000ha”.

  Atu\m hăm tơdrong răm găh ưh đei yua păng [um ưh ‘lơ\ng yuơ pơrang pơrăm, kon pơlei tơ\ apu\ng Đak Tô oei pơngơ\t kơ đon, noh jing chă đei hơdre\ch nai pơtăl ăn hơdre\ch vă pơtăm pơyan ‘nao truh âu kơnh. Dang ei kon pơlei pơtơm hơmet đei hơdre\ch vei xơđơ\ng ưh đei pơrang 3.000ha. Hloh tong ane# hơgăt pơtăm mă lơ noh athei pơtăm hăm hơdre\ch hlôi [ơm pơrang. Tơdrong chă hơdre\ch nai vă pơtăl nhen le\ ưh kơ ke\ jang nhen le\ jang keh yuơ pơyan pơtăm nao hlôi truh. {ok Vũ Văn Đãn, Pho\ kơdră anih vei hơlen ‘long pơtăm dêh char Kon Tum ăn tơbăt: “Hơdre\ch [um [lang âu ki yuơ klui dêh hnang noh ưh kơ tom hơmet tơplih hơdre\ch lơ\m pơyan jang âu kơnh. Tơjre# dêh, Anih choh jang xa đe xư hlôi năm tơ\ rim tơring bơih. Tơ\ Tây Ninh hơdre\ch dang ei noh ưh đei lơ đang kơ noh đe xư pơkăp axong đơ\ng hrôih bơih”.

 Hăm tơdrong mă kon pơlei tơ\ apu\ng Đak Tô athei pơtăm hơlơ\k hơdre\ch [um [lang hlôi [ơm pơrang noh pơrăm truh tơm [um, [um ưh kơ ‘lơ\ng hăm pơyan io\k yua đơ\ng ro\ng, anih jang kơpal dêh char Kon Tum tơroi hăm kon pơlei truh dôm tơring nai lơ\m dêh char vă chă răt hơdre\ch; choh jang tơplih hơdre\ch pơtăm, ưh đei jang adro# [um [lang nhen dang ei ôh; tơdrong pơtăm, vei xơđơ\ng [lep hăm pơkăl kih thuơ\t, măh kơchơ\t ‘lơ\ng vă tơm [um [lang ke\ tang găn pơrang... Mă lei âu duh jing trong jang pơklaih tơ\ anăp đe\ch. Găh đunh đai kơnh, kon pơlei pơtăm [um [lang tơ\ apu\ng Đak Tô pơma adro# păng dêh char Kon Tum pơma atu\m kăl đei hơdre\ch [um [lang hrôih pơtăm kơ hơdre\ch KM94 hlôi [ơm pơrang pơrăm.  

Lan chih păng rapor