VOV4.Bahnar - Jang xa tơ\ tơ ring juăt pơ tăm che\h phe, mă lei linh so Phạm Văn Luốn, tơ\ thôn 1, xăh Đăk Mar, apu\ng Đăk Hà, dêh char Kon Tum tơ tă jang pơm pơ dro\ng đơ\ng rong ka dơ\ng. Pơ\n tơ che\ng pha [iơ\, jang pha [iơ\ jing hơ nhăk ba tơ drong jơ nei ăn linh so âu.

Đơ\ng ro\ng hlo\h 13 sơ năm ako\m jơ hngâm rong ka, mât lơ\m sơ năm mă 49, linh so Phạm Văn Luốn hlôi pơ jing đei mu\k drăm tôch hơ iă. Dang ei linh so âu oei thuê 3 to\ dơ nâu đak xă hlo\h 30ha tơ\ 2 xăh Đăk Ngọc păng Đăk Bla kơ apu\ng Đăk Hà vă rong ka. Hăm kơ so# ka te\ch jo# păh lăp hlo\h 500 tân 1 sơ năm, pơ huach tôm jên jang linh so Phạm Văn Luốn oei rơ kăh loi 3 ti hlak jên.

1 pôm ka tôch tih đơ\ng dơ nâu rong kơ linh so Phạm Văn Luốn

Kiơ\ linh so Phạm Văn Luốn, tơ drong pơm ăn [ok jang xa đei ‘no\h j^ pơ\n tơ che\ng pha [iơ\ păng jang pha [iơ\: “Mu\k drăm tơ dăh lăng lơ\m 1 ha che\h phe, hăm tơ drong arih xa kơ unh hnam nhôn ‘no\h ưh kơ măh. Inh đei khei ‘năr pơm linh, đei pơ tâp pơ hrăm lơ\m khul linh kơ na inh ưh chu ku\p kơ\l kơ du\n. Inh năm dăr lăng, ho\k pơ hrăm đang kơ ‘no\h rong ka. Đơ\ng ie\ tơ plih jing tih. Inh adrin ho\k pơ hrăm vă jang đei yoa hlo\h, vă mu\k drăm hnam tơ no\ gơ\h sơ đơ\ng”.

Ku\m hăm jang pơ dro\ng ăn hnam tơ no\, linh so Phạm Văn Luốn oei tơ gu\m ăn lơ bơ ngai jang tơ\ apu\ng Đăk Hà đei tơ drong jang sơ đơ\ng păng chă tơ gu\m bơ\n ka yo\ng, jên jang, ki thuơ\t vă ato\k tơ iung ka hơ dang tơ\ tơ ring. Dang ei linh so Phạm Văn Luốn oei pơm hla ar jang hăm 8 ‘nu bơ ngai tơ\ 3 dơ nâu rong ka. Kơ so# bơ ngai jang gô to\k đơ\ng 25 - 30 ‘nu bơ ngai lơ\m pơ yan rôp ka lơ\m sơ năm. {ok Vũ Văn Duân, Kơ dră vei lăng Khul linh so apu\ng Đăk Hà tôch hơ iă mưh bou truh linh so jang xa rơ gei păng tôch tơ năp hăm tơ drong jang Khul tơ\ tơ ring:

“Hăm đon adrin đơ\ng 1 ‘nu linh so, [ok Luốn năm tơ chă, ho\k pơ hrăm đang kơ ‘no\h đei lơ trong jang rơ gei vă pơ jing đei mu\k drăm nhen hrei ‘nâu. {ok Luốn jang lơ\m Khul tôch tơ năp, mă loi j^ chă jet gia, năm ngôi tơ\ bôl boăl, j^ bơ ngai jang tơ năp hăm Khul, hăm tơ pôl. {ok Luốn j^ 1 ‘nu bơ ngai jang rơ gei đei đon ‘lơ\ng”.     

Linh so Phạm Văn Luốn (dơ\ng to\k bo\k) đei pôk pơ ư lơ\m tơ drong pơ jei băl Linh so tơ năp ‘lơ\ng

Ưh lăp đon hăm dôm tơ drong hlôi jang đei, linh so Phạm Văn Luốn ling lang chă ho\k pơ hrăm păng chă đei lơ trong jang rơ gei. Lơ\m 1 dơ nâu rong ka, linh so âu tăh rong ka lơ\m hơ drao hai, rong hơ chăng kơ tă lơ\m dơ nâu hai. Ku\m hăm ‘no\h tơ jur [iơ\ dôm kơ loăi ka đe rong lơ nhen ka rô phi, diêu hồng… mă ako\m rong dôm kơ loăi ka te\ch măk [iơ\ nhen ka trăm, ka lăh bao păng pơm thim an^h rong ka pơ ro\ dơ\ng. Vă kơ hre\ng tân ka đei an^h răt io\k sơ đơ\ng, ku\m hăm tơ drong jang hơ doi hăm dôm công ty juăt te\ch mơ dro ka, linh so Phạm Văn Luốn oei pơ jing đei an^h te\ch ka kơ tă tơ\ dêh char Kon Tum păng dôm dêh char lơ\m tơ ring To\k bo\k - Tây Nguyên hai.

Khoa Điềm: Chih

Dơ\ng: Tơ blơ\