Tơ̆ ‘măng hop akŏm, Kơdră Kuôk hô̆i Vương Đình Huệ athei hơtŏk loi dơ̆ng ki luơ̆t, jang tơnăp ‘lơ̆ng lơ̆m tơdrong jang pơjing khôi luơ̆t kŭm nhen tơdrong hơmet ăn dôm hla ar hô sơ, hla ar chih pơtruh ăn Kuôk hô̆i kiơ̆ tơdrong hơgăt; hơmet pơ ‘lơ̆ng kơjăp vă tơdrong gơih hla ar hô sơ tơdrong jang, hla ar chih ming ưh kơ ƀlep khei ‘năr hơgăt, ưh kơ vei sơ đơ̆ng ‘lơ̆ng.

Pơtôch ‘măng hop akŏm, Kơdră Kuôk hô̆i Vương Đình Huệ tơroi hơdăh, ‘măng hop akŏm ưh kơ ê khei jơnăr kơ đeh, ăn tơgop nơ̆r, tơchơ̆t dôm tơdrong kăl yua đơ̆ng ‘meh vă yan âu tơlĕch ăn mă lei oei vei sơđơ̆ng bơ̆jang kiơ̆ tôm kiơ̆ tơdrong hơgăt đơ̆ng khôi luơ̆t. Kơdră Kuôk hô̆i athei Khŭl kơdră teh đak, dôm anih jang kơ Kuôk hô̆i, Anih sek tơlang kon pơlei gĭt kăl, Anih  hơlen lăng kon pơlei, Anih jô̆ hơlen jên hu, Mặt trận Tổ quốc, dôm anih jang chĭnh trĭ - tơpôl tơtĕnh hơmet ăn ‘Măng hop akŏm mă 5, Kuôk hô̆i jăl XV.