Anih chĕp kơ̆l pơgơ̆r Kuôk hô̆i tơgop nơ̆r ăn Luơ̆t Vei lăng tơdrong đei yua đơ̆ng bơngai răt tơmam
Thứ tư, 10:33, 15/02/2023
VOV/Thuem tơblơ̆
VOV/Thuem tơblơ̆
VOV4.Bahnar - Hơnơ̆ng tơdrong jang ‘măng hop akŏm mă 20, pơgê 15/02, Anih chĕp kơ̆l pơgơ̆r Kuôk hô̆i tơgop nơ̆r găh 1,2 tơdrong tih oei tơgop nơ̆r pha ra băl đơ̆ng Luơ̆t Vei lăng tơdrong đei yua đơ̆ng bơngai răt tơmam (hơmet ming).
Dang ei oei 2 tơdrong kăl kơ apĭnh tơgop nơ̆r Anih chĕp kơ̆l pơgơ̆r Kuôk hô̆i ‘noh jĭ bơngai răt tơmam ‘noh lơ liơ păng kăt tơjur ƀiơ̆ tơdrong pơm hla ar vă sek tơlang dôm tơdrong ƀơm truh tơ̆ kon pơlei vă vei lăng ‘lơ̆ng tơdrong đei yua ăn bơngai răt tơmam.
Lơ̆m noh, hăm bơngai răt tơmam ‘noh lơ liơ, oei đei tơgop nơ̆r pha ra băl, athei hơgăt bơngai răt tơmam ‘noh đei hloi khŭl jang lơ̆m Luơ̆t. Yua kơ mă tơpă, tơdrong răt dăh mă iŏk yua tơmam, pơ yua ăn tơdrong vă răt tơmam, ưh kơ yua tơdrong vă mơdro sa ưh khan lăp bơ̆ jang đơ̆ng kơdih mă oei đei hloi khŭl jang.
Viết bình luận