Kiơ̆ kơ ‘noh, hloh 2.860 hek tar teh tơring bơ̆jang tơdrong jang tam mă đei Anih vei lăng kon pơlei dêh char Dak lak ăn phep tơ ‘ngla tơmơ̆t jên jang tơplih iŏk yua teh đơ̆ng teh choh jang sa jing teh ưh kơ choh jang sa vă ming man dơnâu mong đak. Tơdrong ‘nâu ‘noh tam mă lăp hăm Luơ̆t teh.

Akŏp teh bri kăl kơ tơplih ‘noh jĭ 432 hek tar mă lei dang ei oei đei 383 hek tar tam mă đei asong gơh kĭ ăn phep tơplih ‘noh jĭ tam mă lăp hăm Luơ̆t vei lăng păng hơtŏk tơiung bri, Luơ̆t bri ‘long. Anih hơlen lăng jên hu teh đak kŭm tơƀôh đei lơ tơdrong glăi lơ̆m tơdrong jang hrŭ ‘mong, tơgŭm păng ăn oei sa dơ̆ng tơ̆ tơdrong jang. Kiơ̆ đơ̆ng noh, Anih hơlen lăng jên hu teh đak tơring XII athei hơmet ‘lơ̆ng găh jên hu akŏp kơ sô̆ jên vă jê̆ 36 ti hlak jên. Lơ̆m noh, iŏk pơdreo nôp jên jang ăn teh đak vă jê̆ 52 triệu hlak jên; tơjur kla jên hloh 17 ti hlak jên; tơjur kơjăp pơm hla ar uơ oei dơ̆ng hloh 18 ti hlak jên.