Pơma tơ̆ jơ tơƀâp, Phŏ Kơdră tơm vei lăng Công an Trần Quốc Tỏ pơma hơdăh, 75 sơnăm âu ki, khul linh Công an kon pơlei ling lang mĭnh jơhngâm hăm Đảng, teh đak păng kon pơlei, adrin jang đang ‘lơ̆ng tơdrong jang chinh trĭ đei pơjao; vei kơjăp đon kơchăng tơblăh, vei lăng ‘lơ̆ng tơdrong sơđơ̆ng tĕh đak, sơđơng lơ̆m tơpôl, ưh gơ̆h lê̆ đei tơdrong ưh ê, tơgop ‘lơ̆ng ăn tơdrong jang atŏk tơ iung mŭk drăm, jŏh ayŏ kơdŏ xoang, tơpôl păng jang tơbôl kơ tĕh đak.

Tơ̆ hơnăp rim tơdrong hrei ‘nâu păng dôm tơdrong kăl đei tơlĕch tơ̆ hơnăp kơnh athei rim kăn ƀô̆, linh iŏk jang tơdrong jang tơ iung pơjing khul linh công an kon pơlei hơnơ̆ng hŏk pơhrăm, hơtŏk đon rơgei hlôh vao tôm tơdrong, hơnơ̆ng lăng hơlen, hơmet ming kơdih kâu, pơtâp pơhrăm kiơ̆ đon tơchĕng ‘lơ̆ng đơ̆ng Ƀok Hô; đĭ jơhngâm pơvih ăn tĕh đak, pơvih ăn kon pơlei.