‘Măng năm ngôi tơ̆ Việt nam ‘măng mă ou jing ‘măng năm ngôi mă 4 truh tơ̆ Việt Nam đơ̆ng Ƀok pơtao Campuchia Norodom Sihamoni. Lơ̆m ‘măng năm ngôi, ƀok Pơtao Norodom Sihamoni đei rim ‘măng tơƀơ̆p pơma dơnuh hăm rim kơpal kơ Việt Nam, đơ̆ng noh tơgop pơm kơtang hloh dơ̆ng tơgoăt tơgoăl Việt Nam-Campuchia kiơ̆ trong "teh đak tơjê̆ ‘lơ̆ng liĕm, tơgoăt tơgoăl joăt joe, jang hơdoi tôm tong, kơjăp ‘lơ̆ng đunh đai tai sơnăm".