Pơma tơ̆ Hop akŏm, Thủ tướng Phạm Minh Chính hlôi tơroi găh jơhnơr hơrih pơvei Việt Nam păng Mi, Thủ tướng roi tơbăt, ƀok tôch kơ chhôk ƀơ̆t tơdrong pơvei Việt Nam - Mi roi ‘năr roi hơtŏk tơiung ‘lơ̆ng hơiă, lơ̆m noh đei tơdrong tơgop đơ̆ng dôm anih mơdro sa Mi.

Kiơ̆ kơ Thủ tướng, Việt Nam hơnơ̆ng tŭn pran tơplih ‘lơ̆ng hơnih tĕch mơdro kiơ̆ trong jang tơgŭm sơđơ̆ng, roi ‘năr roi hiôk, rơđăh, lăp hăm tơdrong tơchơ̆t apŭng plĕnh teh, lơ̆m noh dôm anih mơdro sa Mi; athei Mi sut hŭt 1,2 tơdrong pơgăn, kơ̆m tĕch mơdro hăm Việt Nam, jăh drơ̆ng ăn tơdrong tơchơ̆t mŭk drăm tĕch mơdro đơ̆ng Việt Nam, pơm tơdrong hiôk ăn 2 teh đak, anih mơdro sa 2 teh đak jang hơdai hơtŏk tơiung, yua kơ tơdrong đei yua atŭm kơ 2 teh đak, kon pơlei 2 teh đak.