Iung pơma tơ̆ pơgơ̆r ou, tang măt ăn Khul kơdră chĕp pơgơ̆r Teh đak, Thủ tướng Phạm Minh Chính tơƀôh hơdăh, pơjing tơdrong tơchăr kăl đei vang iung jang pơđĭ đơ̆ng khul chinh trĭ, đơ̆ng khul tơpôl, kon pơlei, hơnih mơdro sa; kăl iŏk kon pơlei, Hơnih mơdro sa jĭ tơm hloh, jĭ trong tơlĕch jang, jĭ hơyak pran, mă kăl vang lăng ba, tơgŭm djru jơhnơr mơlôh. Pơjing tơdrong tơchăr kăl pơ̆n chă tơchĕng, pơ̆n jang hloi, pơ̆n ưh kơ hli đei tơdrong ou to, pơ̆n pơm jŭk yŭk trong hơlou, hơdrin đĭ ai, iung jang hloi kơ yuơ tơdrong đei iŏk yua ăn teh đak, hơdrĕch hơdrung, kơ yuơ tơdrong hơrih sa ‘lơ̆ng rŏ hơbŏ nhen kơ teh đak lơ̆m ou đei iŏk yua sa hơpăh ăn kơ dih. Thủ tướng Phạm Minh Chính pơma hơdăh, pơjing tơdrong jang, tơplih ‘nao tơchăr ‘noh mĭnh hơyak pran git kăl lơ̆m atŏk tơ iung kơjăp ‘lơ̆ng. Pơjing tơdrong jang kăl đei jơhngơ̆m đon hưch hanh, hơdrin đĭ ai, jơhngơ̆m nŏng păng nuih mơng yak hloh mơnat tat, hrat hrĭn vă iŏk đei jơnei hơ iă.