Iung pơma tơ̆ jơ bơ̆ jang, Kơdră chĕp pơgơ̆r teh đak Lương Cường hôn bơnê kơtang Ban nội chính Trung ương hlôi iung jang hơdoi kơjăp hăm rim hơnih bơ̆ jang chă tơchĕng hơlen pơm pơkeh trong tơchơ̆t pơtruh ăn Hơnih tơm Chinh tri lăng hơlen tơlĕch jang kiơ̆; adoi athei hơnơ̆ng iung jang hơdoi kơjăp, pơhoh trong, hơmet ăn dôm tơdrong ‘lơ̆ng hơ iă ‘Măng hop akom blŭng a kơ Hơnih chep pơgơ̆r lăp đơ̆ng rŏng Hơnih tơm Chinh trĭ đei tơchơ̆t tôm tong Hơnih chĕp pơgơ̆r. Kơdră chĕp pơgơ̆r Teh đak athei Ban Nội chính Trung ương akŏm vang pơchoh trong tơ iung pơjing Trong jang tơm bơ̆ jang truh đĭ jăl jang, tơgŭm ăn Hơnih chĕp pơgơ̆r chĕp pơgơ̆r, pơrô̆ jang hơdăh rim tơdrong jang găh hơmet ming tư pháp kiơ̆ Tơdrong tơchơ̆t găh hơnơ̆ng tơ iung pơjing păng pơm pơkeh Teh đak pháp quyền xã hội chủ nghĩa Việt Nam lơ̆m chăl hle.