Lơ hơgăt teh oei, teh mơdro sa- pơvih pơvăn đei băt hơdăh hơdrol sơ̆ tơ̆ pơlei tơm Buôn Ma Thuột dêh char Đắk Lắk, dang ei jing teh choh jang sa, teh ‘long hlôi ƀơm ưh kơ ‘lơ̆ng truh tơdrong pơm hnam jang, hơnih pơm tơlĕch đơ̆ng lơ anih mơdro sa. Tơ̆ Hop akŏm pơma dơnuh đơ̆ng kơdră chĕp kơ̆l Anih vei lăng kon pơlei pơlei tơm hăm dôm anih mơdro sa đei pơgơ̆r ‘năr brei (27/11), lơ anih mơdro sa hlôi tơroi tơdrong ‘nâu păng meh Anih vei lăng kon pơlei pơlei tơm Buôn Ma Thuột đei trong jang hơmet pơ ‘lơ̆ng, jăh tơbăt hơdăh dôm tơring pơm tơlĕch vă anih mơdro sa đei trong tơlĕch jang tơmơ̆t jên jang mă lăp.

Dôm anih jang akhan tơdrong tơplih lơ̆m tơdrong iŏk yua teh lơ̆m hla kak chĕng hơmet teh ‘nao đei lơ tơdrong ưh kơ lăp hăm chĕng hơmet teh so. Tơl nơ̆r găh tơdrong ‘nâu, ƀok Vũ Văn Hưng, Kơdră Anih vei lăng kon pơlei pơlei tơm Buôn Ma Thuột, dêh char Đắk Lắk drơ̆ng akhan đei tơdrong ưh kơ ‘lơ̆ng yua đơ̆ng hlôh vao găh chĕng hơmet teh đơ̆ng 1,2 ‘nu kang ƀô̆ jang tơdrong jang chĕng hơmet teh tam mă ƀlep, lơ anih jang roi tơƀôh tam mă năm đĭ tơ̆ rim tơring hơnhăk truh tơdrong chĕng hơmet teh glăi. Găh trong jang vă hơmet pơ ‘lơ̆ng tơdrong ‘nâu, ƀok Vũ Văn Hưng roi tơbăt: pơlei tơm tŏk bŏk jang hơmet ming dơ̆ng chĕng hơmet teh kơ pơlei tơm, mưh jang đang tơdrong chĕng hơmet teh atŭm 'noh gô hơmet ming đĭ dơ̆ng, vih hơlơ̆k dơ̆ng teh ƀlep kiơ̆ teh đơ̆ng kon pơlei hơdrol sơ̆.